बलिउड क्वीन दीपिका पादुकोण आफ्नो सुन्दरता र अभिनयका कारण विश्वभर चर्चित छिन् । अभिनयसँगै आफ्नो व्यक्तिगत जीवनशैलीका कारण पनि उनी सँधै चर्चामा रहने गर्दछिन् । 

आफ्ना पति रणवीर सिंहसँग उनी निकै खुशी नै देखिन्छिन् । तर, एक समय थियो जब उनी रणवीर कपुरको प्रेममा परेकी थिइन् । त्यसबेला रणवीरले उनलाई धोका दिएका थिए । जसको कारण उनलाई डिप्रेशनको सामना गर्नुपरेको थियो । 

एक अन्तवार्ताका क्रममा दीपिकाले प्रेम सम्बन्धमा रहँदा आफूलाई रणवीरले धोका दिएको बताएकी थिइन् । 

२००८ मा दीपिका पादुकोण र रणवीर कपुरले एकै साथ फिल्म ‘बचना ए हसिनो’ मा काम गरेका थिए । त्यसैबेला उनीहरु दुवै जना एक अर्कालाई प्रेम गर्न थालेका थिए । यतिमात्रै होइन्, दीपिकाले रणवीरको नाममा एक इनिशियल्सको ट्याटु पनि बनाइसकेकी थिइन् । 

तर, अचानक दुवैको सम्बन्धमा केही खटपट सिर्जना भयो । पछि ब्रेकअप भयो । दीपिकाले रणवीर कपुरको नाममा एक अन्तवार्तामा भनिन्, ‘मेरो भावना महत्वपूर्ण हो । जब कसैसँग सम्बन्धमा थिएँ । कहिले पनि धोका दिइन । न कुनै कुरा लुकाएँ नै । त्यसपछि पनि मलाई कसैले धोका दिन्छ भने म उससँग कसरी समबन्धमा रहन सक्छु । यस्ता व्यक्तिसँग साथ रहनुभन्दा एक्लो हुनु नै राम्रो हो ।’ 

दीपिकाले आफू त्यसबेला सोझी भएका कारण पनि धोका पाएकी बताएकी छिन् । ‘रंगेहात पक्राउ गरे पनि मैले उसलाई एक अर्को मौक दिएकी थिएँ । त्यसबेला मेरो दिनमा धेरै कुरा खेलिरहेका थिए ।’ 

रणवीरको धोकापछि पनि आफूभित्रै केही गल्ती छ कि भनेर महशुस गरे पनि त्यो नभएको उनले बताएकी थिइन् । उनले अघि भनेकी छिन्, ‘धोका दिनु कसैको बानी नै हुने रहेछ । उसबाट धोका बाहेक अरु के नै अपेक्षा गर्न सकिन्छ र ? धोका कुनै पनि बलियो सम्बन्धलाई पनि कमजोर बनाउँछ । जब सम्बन्धमा धोका पाइयो भन्ने इज्जत पनि जान्छ र भरोसा पनि सकिन्छ ।’