विध ल्याबमा अब कोरोना भाइरस विरुद्धको एन्टिबडी परीक्षण हुने भएको छ ।

यो सेवा आइतवारबाट नै शुरूवात भएको ल्याबले जनाएको छ ।

विश्वमा महामारीको रुपमा फैलिएको कोरोना भाइरस संक्रमणको लक्षण कतिपयलाई नदेखिन सक्ने भन्दै ल्याबले कोरोना संक्रमण भएको हुन सक्ने संभावित अवस्थालाई हेरेर एन्टिबडी परीक्षण गर्ने भएको हो ।

थाहा नै नभइ शरीरमा एन्टिबडी बनेको हुनसक्ने चिकित्सकहरुले बताएका छन् ।

यस अघि सस्तो र सरल मूल्यमा कोरोना परीक्षण गराउँदै आएको यस ल्याबले शरीरमा प्रचुर एन्टिबडी बनेको छ भने खोपको लागि हतार गर्नु नपर्ने सुझाव समेत दिएको छ ।

शरीरमा कोरोना भाइरस विरुद्धको एन्टिबडी बनेको छ कि छैन, भन्ने विषय पनि एन्टिबडी जाँचपछि थाहा पाइने ल्याबले बताएको छ ।

ल्याबले एन्टिबडी परीक्षणको शुल्क रु.१ हजार तोकेको छ ।