अमेरिकामा ६७ वर्षमा पहिलोपटक महिलालाई दिइयो मृत्युदण्ड

अमेरिकामा मृत्युदण्ड पर्खिरहेकी एक महिलालाई सर्वोच्च अदालतले कानूनी अडचन फुकाएपछि विषालु सुई दिएर मृत्युदण्ड दिइएको छ । 
 

लिसा मोन्टगोमरी नामक ५२ वर्षीया ती महिलालाई स्थानीय समयअनुसार बुधवार बिहान १ः३१ मा इन्डियानास्थित फेडरल करेक्सनल कम्प्लेक्समा मृत घोषणा गरिएको हो । राष्ट्रपति डोनल्ड ट्रम्पको कार्यकालमा मृत्युदण्ड पाउने उनी शायद अन्तिम कैदी हुन् । 
 


Advertisement

कान्सास घर भएकी मोन्टगोमरीले मिसूरीमा सन् २००४ मा गर्भवती महिला बबी जो स्टिनेटको पेट काटेर बच्चा निकालेकी थिइन् र आफ्नै बच्चा जस्तो गरी प्रस्तुत गर्न खोजेकी थिइन् । स्टिनेटको हत्या गरेकोमा उनलाई मृत्युदण्ड दिइएको हो । 
 

मोन्टगोमरीका वकिलहरूले भावुक बयान जारी गर्दै मृत्युदण्डको भर्त्सना गरे, ‘असफल प्रशासनको रक्तपिपासा आज स्पष्ट देखियो ।’


Advertisement

बुधवार मृत्युदण्ड कक्षको पर्दा उठाइँदा पत्रकारहरूले बाक्लो शीशाको भित्तोबाट घुरेर हेर्दा मोन्टगोमरी एकछिन त छक्क परेकी थिइन् । 

मृत्युदण्ड प्रक्रिया शुरू भएपछि मोन्टगोमरीसँग उभिएकी महिला अलिकति झुकिन् अनि उनको फेस मास्कलाई बिस्तारै हटाइन् र अन्तिम इच्छा केही छ कि भनी सोधिन् । सानो स्वरमा मोन्टगोमरीले केही छैन भनिन् ।

उनले केही सेकेन्डसम्म नर्भस हुँदै औंलाले कुुर्सीमा टकटक गरिन् अनि सुई लगाएको केही क्षणमै आँखा चिम्लिन् । 

खासमा उनको मृत्युदण्डको समय मंगलवार बेलुका ६ बजेका लागि निर्धारण गरिएको थियो तर उनका वकिलहरूले अपील गरेपछि सारिएको थियो । उनी मानसिक रूपमा अशक्त रहेको र उनले जिन्दगीभरि खतरनाक यौन हिंसा सहनुपरेको वकिलहरूको तर्क थियो । 

एजेन्सी
एजेन्सी

लेखकबाट थप...

कमेन्ट गर्नुहोस्