नेपाल बैंक लिमिटेड ६१ औं वार्षिक साधारण सभा सम्पन्न भएको छ । 

बुधवार सम्पन्न साधारण सभाले आर्थिक वर्ष २०७६/७७ को सञ्चालक समितिको वार्षिक प्रतिवेदन, लेखापरीक्षकको प्रतिवेदन सहितको २०७७ आषाढ मसान्तको वासलात, सोही मितिमा समाप्त आर्थिक वर्ष २०७६/७७ को नाफा/नोक्सान हिसाब तथा नगद प्रवाह विवरण र सोही अवधिको वित्तीय विवरणसँग सम्बन्धित अनुसूचीहरु पारित गरेको छ ।

सभाले हालको चुक्ता पूँजी ११ अर्ब २८ करोड २८ लाख रुपैयाँको ४ प्रतिशतका दरले हुन आउने रु.४५ करोड १३ लाख १२ हजार नगद लाभांश र चुक्ता पूँजीको १२ प्रतिशतका दरले हुन आउने रु.१ अर्ब ३५ करोड ३९ लाख ३८ हजार रुपैयाँ बराबरको बोनस शेयर वितरण गर्ने प्रस्ताव सर्वसम्मतिबाट पारित गरेको छ । 

साथै, साधारण सभामा तय भएको सर्वसाधारण शेयरधनीको तर्फबाट प्रतिनिधित्व गर्ने ३ जना सञ्चालकको निर्वाचन गर्ने कार्यक्रम मतदान प्रकृया मार्फत सम्पन्न भइ विवेक शमशेर ज.ब.रा., विष्णु कुमार अग्रवाल र कर्मचारी सञ्चय कोषका प्रतिनिधि ओम कृष्ण श्रेष्ठ सञ्चालक पदमा निर्वाचित भएका छन् ।