इन्डोनेसियाको गुफामा फेला पर्‍यो ४५ हजार वर्ष पुरानो चित्रकला (भिडियो)

इन्डोनेसियाको एक गुफाको भित्तामा ४५ हजार ५०० वर्षअघि बनाइएको बँदेलको चित्र फेला परेको छ । यो संसारकै सबभन्दा पुरानो चित्रकला भएको एक अध्ययनले दाबी गरेको छ । 

इन्डोनेसिया र अस्ट्रेलियाका अनुसन्धाताहरूले सुलावेसी टापुको दक्षिणमा रहेको लियाङ तेदोङगे गुफाको पछिल्तिरको भित्तोमा बँदेलको चित्र फेला पारेका हुन् । 


Advertisement

आधुनिक मानवको उपस्थितिको सबभन्दा पुरानो प्रमाण यसै तस्वीरले दिएको अनुसन्धान टोलीको भनाइ छ । 

अर्को एक सुँगुरको चित्र पनि नजिकैको गुफामा फेला परेको छ तर त्यो अघिल्लोभन्दा १३ हजार ५०० वर्षपछिको हो । 


Advertisement

अस्ट्रेलियाको क्वीन्सल्यान्डस्थित ग्रिफिथ विश्वविद्यालयका पुरातत्त्ववेत्ता एडम ब्रुमले बताए, ‘रातो माटोबाट यो चित्र बनाइएको हो । सुँगुरले अरू सुँगुरको लडाइँ हेरिरहेको वा अरू दुई सुँगुरसँग अन्तर्क्रिया गरिरहेको देखिन्छ ।’
 

यत्तिको स्पष्ट चित्र प्राचीन गुफा चित्रकलामा भेटिँदैन भनी अनुसन्धाताहरूले बताए । 

यही टोलीले पोहोर साल पत्थरमा बनेको ४३ हजार ९०० वर्षअगाडिको चित्र पजि फेला पारेको थियो । 

उक्त चित्र त्यही क्षेत्रको अर्को चुनढुंगा गुफामा फेला परेको थियो । त्यसमा मानिस र पशुको मिश्रण भएका जीवले सुँगुरको शिकार गरेको देखिन्थ्यो । 

एजेन्सी
एजेन्सी

लेखकबाट थप...

कमेन्ट गर्नुहोस्