देशैभर उत्साहजनक लहर आएको ओली समूहको निष्कर्ष, निर्वाचनमा केन्द्रित हुन निर्देशन

नेकपा ओली समूहको अनौपचारिक बैठकले घोषित मितिमै निर्वाचन गराउने विषयमा पार्टी एकजुट भएर लाग्नुपर्ने निष्कर्ष निकालेको छ ।

बिहीवार अपराह्न बालुवाटारमा नेकपाको ओली पक्षीय स्थायी कमिटी सदस्यहरू बैठकमा उपस्थित थिए । 


Advertisement

अनौपचारिक बैठकमा सहभागी प्रभावशाली नेता सुवासचन्द्र नेम्वाङले मेचीदेखि महाकालीसम्म पार्टीले गरेको प्रदर्शन र त्यसले ल्याएको लहरलाई निर्वाचनसम्म कायमै राख्नुपर्ने निष्कर्ष निकालिएको बताए । 

नेम्वाङले लोकान्तरसँग भने, ‘अहिले देशैभरि जसरी वेभ आएको छ, त्यसलाई निर्वाचन मितिसम्म कायमै राख्ने निष्कर्ष निकालिएको छ ।’


Advertisement

उनले पार्टी आधिकारिकतासम्बन्धी निर्वाचन आयोगमा भएको प्रगतिको पनि समीक्षा भएको बताए । 

‘प्रधानमन्त्री ओलीले हामीलाई निर्वाचन आयोगमा भएको प्रगति, सर्वोच्चमा रहेको विचाराधीन मुद्दा र अन्य विषयमा ब्रिफिङ गर्नुभयो,’ नेम्वाङले भने, ‘वैशाख १७ र २७ गते तोकिएको निर्वाचन मितिलाई केन्द्रमा राखेर आधार तयार गर्दै अघि बढ्नुपर्ने निर्देशन उहाँले दिनुभएको छ ।’

बिहीवारको अनौपचारिक बैठकमा हालसम्म देशैभर भएका प्रदर्शन, भेला, प्रशिक्षण र बैठकहरूले पार्टीको पक्षमा सोचेभन्दा बढी लहर आइरहेको बारेमा चर्चा भएको थियो । 

ओलीपक्षका एक दर्जनभन्दा बढी स्थायी कमिटी सदस्यहरू उपस्थित भेलामा ओलीले सबैलाई निर्वाचन केन्द्रित भएर अघि बढ्न निर्देशन दिएका थिए ।

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्