कात्तिक २२, २०८०
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
ललितपुरका अभिषेक (नाम परिर्वतन)ले सामाजिक सञ्जाल फेसबूकमा ‘स्काई मोबाइल’ नामको पेजमा आइफोन, घडी, लगायतका विभिन्न कम्पनीका मोबाइलहरू ३०/४० प्रतिशत छूटमा पाउने ‘विज्ञापन’ देखे ।
आइफोन किन्ने सोच बनाएका अभिषेकले एउटा निजी संस्थामा काम गरेर केही पैसा बचाएका थिए । अनलाइनमा देखेको विज्ञापनले उनको ध्यान खिच्यो । आफूलाई आवश्यक रहेको र पैसा पनि सस्तो भनेकाले अनलाइनमा दिएको फोन नम्बरमा सामाजिक सञ्जाल ‘ह्वाट्स् एप’मार्फत् कुराकानी गर्न थाले । कुराकानी गर्ने व्यक्ति थिए, अफ्रिकन नागरिक जस्ता देखिने गर्दिनिया दुवात्रे ।
उनले पहिला आफ्नो परिचय खुल्ने प्रमाण पत्र देखाउन भने उनले ‘स्काई मोबाइल’ को आइडी कार्ड पनि उनलाई पठाए ।
उनले अनलाइनमा १ लाख ९० हजार पर्ने आइफोन प्रो म्याक्स मोबाइलको मूल्य ७५ हजार राखिएको विज्ञापन देखिएपछि कुराकानी गर्न थालेका थिए ।
पहिला उनलाई ती व्यक्तिले फारम भर्न ५ हजार रुपैयाँ लाग्ने भएकाले पैसा जम्मा गर्न भने ।
अभिषेकले तुरुन्त उनले दिएको अनलाइन पेमेन्ट गेटवे ई–सेवामार्फत ५ हजार भुक्तानी गरे । फेरि अर्को दिन मोबाइलका लागि अग्रिम भुक्तानी स्वरूप १० हजार रुपैयाँ जम्मा गर्न भनियो, त्यसैगरि नै जम्मा गरिदिए ।
त्यसपछि ती व्यक्तिले मोबाइल अमेरिकाबाट कुरियर गरिदिएको भन्दै ‘ट्रायाकिङ’ नम्बर दिए । उनले त्यो ट्रायाकिङ नम्बर वेबसाइटमा हेर्दा स्पेन उडेको देखियो ।
उनले फेरि ४० हजार पठाउन भने । उनले त्यही पुरानै ईसेवा आईडीमा ४० हजार पनि पठाए । उनको सामान डेलिभरीका लागि पठाइसकिएको भने । उनले दिएको ट्र्याकिङ नम्बरमा पनि देखियो ।
इराक, लेबनानलगायतका देश हुँदै पाकिस्तान आएपछि भन्सारमा समस्या भएको भन्दै ७० हजार रुपैयाँ मागे तर उनले त्यति म पठाउन सक्दिनँ भने पछि २० हजार पठाइदिन भने । अभिषेकले त्यो पठाइदिए । त्यसपछि उनको सामान त्यहाँबाट भारत आएको ट्र्याकिङ नम्बरमा देखाइयो ।
तर पुस २७ गते महानगरीय प्रहरी परिसरले उनलाई फोन गर्यो, तपाईं मोबाइल किन्दा ठगिनुभएको छ, अरू पैसा नपठाउनु होला । उनी छाँगाबाट खसेजस्तै भएँ ।
उनले सम्पर्क गर्न खोजे तर ती व्यक्तिले कुनै वास्ता गरेनन् ।
यता महानगरीय प्रहरी परिसर ललितपुरमा एक जना व्यक्तिले आफू अनलाइनबाट ठगिएको महशुस गरेर परिसर प्रमुख एसएसपी किरण बज्राचार्य बताएका थिए ।
त्यसपछि ललितपुर प्रहरीले अनुसन्धान थाल्यो । ती व्यक्तिले दिएको ईसेवा आईडीको आधारमा ठगी गर्ने गिरोहको खोजी गर्न शुरू गर्यो ।
प्रहरीले अनुसन्धान गर्दै जाँदा सयभन्दा धेरै ईसेवा आइडी, आईएमई र बैंक अकाउन्टबाट पर्सामा रहेको एउटै बैंक खातामा पैसा ट्रान्सफर भएको देखियो । ती व्यक्ति थिए, पर्सा बहुदरमाई गाउँपालिका घर भएका ३९ वर्षीय मेवालाल शाह तेली ।
प्रहरीले उनलाई काठमाडौंबाट पक्राउ गर्यो । उनलाई पक्राउ गरेपछि झन् नयाँ रहस्य खुल्यो । उनको बैंक खाता र एटीएम कार्ड अर्कै व्यक्तिले चलाउँदै आएका रहेछन् ।
प्रहरीले ठगीको नेपालका मुख्य नाइके शाह तेलीलाई ठानेको थियो तर अर्कै व्यक्ति निस्किए ।
पर्सा मैनापुर गाउँपालिका–४ का २८ वर्षीय अजय शाह भन्ने प्रमोद शाहले नेपालमा पैसा संकलन गर्दै आएको पाएपछि उनलाई शुक्रवार प्रहरीले पर्साबाट पक्राउ गरेको महानगरीय प्रहरी परिसर ललितपुरकी प्रमुख एसएसपी किरण बज्राचार्यले पत्रकार सम्मेलन गर्दै जानकारी दिइन् ।
मास्टरमाइन्ड प्रमोद शाह !
नेपालमा मास्टरमाइन्डको रूपमा प्रमोद शाहले विभिन्न व्यक्तिको नामबाट ईसेवा आईडी खोल्ने र पैसा पठाउन लगाउने गरेको अनुसन्धानमा खुल्न आएको एसएसपी बज्राचार्यले बताइन् ।
प्रहरीका अनुसार उनले प्रमोदले पर्साको भारतीय सीमानजिक आईएमई सञ्चालन गर्दै आएका छन् । उनले आईएमईमा आउने ग्राहकको नागरिकता र फोटोको दुरुपयोग गर्दै सिम निकाल्ने, त्यसबाट ईसेवा आईडी बनाउने र अनलाइनबाट सामान किन्ने व्यक्तिलाई पैसा पठाउन लगाउने र त्यो पैसा बैंकमा ट्रान्सफर गरेपछि सिम फाल्ने गरेको पाइएको एसएसपी बज्राचार्यले पत्रकार सम्मेलनमा बताइन् ।
उनले आफू पक्राउ पर्ने भएकाले मेवालालको नाममा बैंक खाता खोल्ने र त्यहाँबाट झिक्ने गरेको प्रहरीले जनाएको छ ।
प्रहरीले स्काई मोबाइल नामको फेसबूक पेजबाट ठगिएको भन्दै ९ जनाले ललितपुर प्रहरी परिसरमा उजुरी दिएको बताइएको छ ।
त्यसबाट ३० लाख रुपैयाँ ठगी भएको र अरू पनि त्यस्तै मानिसहरू ठगिएको हुनसक्ने प्रहरीले जनाएको छ ।
‘विदेशबाट सञ्चालन भएका कारणले विदेशी पनि संलग्न भएको देखिएको छ । हामीले इन्टरपोलमार्फत खोजी गर्ने प्रकृया अगाडि बढाएको छौं,’ एसएसपी बज्राचार्यले भनिन्, ‘विदेशीले योजनाबद्ध रूपमा ठग्नका लागि ठूलो लगानी गरेको देखिन्छ, नेपालबाट के कति पैसा बाहिर गएको छ, अनुसन्धान गर्दैछौं ।’
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
नेपाल प्रहरीको साइबर ब्युरोले सामाजिक सञ्जाल (टिकटक र फेसबूक)को दुरुपयोग गरी चरित्रहत्या गर्ने एक जनालाई बिहीव्ँरु पक्राउ गरेको छ । पक्राउ पर्नेमा सिराहा, लहान नगरपालिका स्थायी घर भइ हाल काठमाडौं बस्ने ३६ व...
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...