माघ २२, २०८०
सहरी विकास मन्त्रालयले निर्माणाधीन धरहराको बेसमेन्टमा सवारीसाधन पार्किङ मानवीय स्वास्थ्यका दृष्टिले जोखिमपूर्ण हुन सक्ने भन्दै सचेत गराएको छ । मन्त्रालयले त्यहाँ आवश्यक प्राविधिक तयारी ...
प्रतिनिधिसभा विघटनसँगै प्रहरी समायोजन प्रक्रिया अवरुद्ध बनेको छ ।
मन्त्रिपरिषद्को सिफारिसमा राष्ट्रपति विद्यादेवी भण्डारीले गएको पुस ५ गते प्रतिनिधिसभा विघटन गरी आगामी वैशाख १७ र २७ गतेका लागि २ चरणमा निर्वाचन मिति घोषणा गरेसँगै प्रहरी समायोजन तत्कालका लागि रोकिएको हो ।
समायोजन छिटो टुंगोमा पुर्याउन आन्तरिक तयारीकै लागि गृह मन्त्रालयका सहसचिव थानेश्वर गौतमको संयोजकत्वमा समिति गठन भएको थियो । प्रहरी प्रधान कार्यालयले पनि समायोजनका लागि अन्वेषण योजना तथा विकास निर्देशनालयमार्फत मापदण्ड, कार्यविधि र यससम्बन्धी आन्तरिक तयारी अघि बढाएको थियो तर गृह मन्त्रालय प्रतिनिधिसभा विघटनपछि चुनावी सुरक्षामा केन्द्रित भइसकेको छ ।
प्रहरीसहित सबै सुरक्षा निकाय र गृह तथा रक्षा मन्त्रालय पनि चुनावी सुरक्षामा केन्द्रित भइसकेका छन् । गृह मन्त्रालयमा पुस ५ अघिसम्म समायोजनकै लागि नियमितजसो आन्तरिक तयारी र गृहकार्यका बैठक बस्थे तर गृहले मातहत सबै संयन्त्रलाई चुनावी सुरक्षामा केन्द्रित गरेको छ ।
गृह प्रवक्ता चक्रबहादुर बुढाले निर्वाचन सुरक्षा तथा तयारीमा जुट्नुपर्ने भएकाले समायोजनको काममा असर पुगेको बताए । ‘सरकारको प्राथमिकता अहिले चुनावी सुरक्षा तथा तयारीमा छ, हामी यसमै केन्द्रित भइसकेका छौं,’ प्रवक्ता बुढाले भने, ‘यसबाट प्रहरी कर्मचारीलाई नेपाल प्रहरी र प्रदेश प्रहरीमा समायोजन गर्ने काम पर धकेलिने देखिन्छ ।’
संघीय संसद्का दुवै सदन प्रतिनिधिसभा र राष्ट्रिय सभाबाट पारित भई २०७६ माघ २८ गते राष्ट्रपति भण्डारीले प्रहरी समायोजन ऐन प्रमाणीकरण गरेपछि समायोजनको तयारी अघि बढाइएको थियो । त्यसपछि समायोजनको खाका बनाउन नेपाल सरकार र प्रदेश सरकारका प्रतिनिधि रहने विभिन्न संयन्त्र पनि क्रियाशील भए ।
२०७७ कात्तिक २७ गतेको मन्त्रिपरिषद् बैठकले प्रहरीको कुल संख्या ७९ हजार ५३२ कायम गर्दै नेपाल प्रहरीमा २४ हजार ८१२ र प्रदेश प्रहरीमा ५४ हजार ७२० जना रहने गरी नेपाल प्रहरी र प्रदेश प्रहरीको संगठन तथा व्यवस्थापन (ओएन्डएम) सर्वेक्षण प्रतिवेदन पारित गरेको थियो ।
प्रहरी प्रधान कार्यालयले पनि समायोजनसम्बन्धी मापदण्ड, कार्यविधि, सफ्टवेयर निर्माण, केन्द्रदेखि जिल्लासम्म रहने संरचनागत र साधन स्रोतको व्यवस्थापन खाका टुंगोमा पुर्याउन विभिन्न आन्तरिक संयन्त्र बनाएको थियो । त्यसअघि समायोजन प्रयोजनकै लागि काठमाडौं, भक्तपुर र ललितपुरको समग्र शान्तिसुरक्षा व्यवस्थापन अधिकार वाग्मती प्रदेश सरकारबाट खोसेर नेपाल प्रहरीमातहत राखिएको थियो ।
त्यसपछि समायोजन कार्यविधि र आन्तरिक मापदण्ड निर्धारण तथा समायोजनसम्बन्धी सफ्टवेयर निर्माण गर्न प्रहरी जुटेको थियो । समायोजनकै लागि गएको असोज १२ गते अध्यादेशमार्फत बाग्मती प्रदेशअन्तर्गत रहेका उपत्यकाका तीन जिल्ला काठमाडौं, भक्तपुर र ललितपुरको समग्र शान्तिसुरक्षा तथा अपराध अनुसन्धान/नियन्त्रणको जिम्मा केन्द्र मातहत राखिएको थियो ।
प्रतिनिधिसभा विघटनसँगै समायोजनका लागि ल्याइएको अध्यादेशको पनि भविष्य के हुने भन्ने अन्योल छ । संविधानको धारा ११४ मा संसद् अधिवेशन नरहेको अवस्थामा राष्ट्रपतिबाट जारी भएका अध्यादेश सदन खुलेपछि पेस गर्नुपर्ने संवैधानिक व्यवस्था छ । सदन खुलेको २ महिनाभित्र अध्यादेश सदनले अस्वीकृत गरेमा स्वतः निष्क्रिय हुने व्यवस्था छ ।
प्रहरी महानिरीक्षक शैलेश थापा क्षत्रीले साउनमा जारी प्रहरी कार्ययोजनामा पनि मंसिरभित्र समायोजनपश्चात् संक्रमणकालीन व्यवस्थाको अवधारणा निर्माण गर्ने, समायोजन सफ्टवेयर निर्माण, अवधारणाको मस्यौदामा छलफल र स्वीकृत र फागुनभित्र समायोजनको काम सक्ने उल्लेख छ । यसकै लागि अन्तरप्रदेश प्रहरी परिचालनसम्बन्धी निर्देशिकाको मस्यौदा निर्माण र त्यसपछि मापदण्ड तयार अनि स्वीकृत गर्ने भनिएको थियो तर कार्ययोजनाअनुसार समायोजनको मूल कार्य नै अघि बढेन । प्रतिनिधिसभा विघटन हुनुअघि गृह मन्त्रालय र प्रहरी प्रधान कार्यालयले माघ पहिलो हप्ताबाट समायोजन आवेदन खुलाउने तयारी गरेका थिए ।
प्रहरी प्रवक्ता एसएसपी वसन्तबहादुर कुँवरले प्रहरी चुनावी सुरक्षा रणनीति र तयारीमा जुटेका कारण अहिलेलाई समायोजनको काममा सुस्तता आएको बताए । सरकारको निर्देशनअनुसार चुनावको तयारीमा प्रहरी लागिसकेको उनले बताए । ‘समायोजनको काम अघि बढिरहेकै हो तर पछिल्लोपटक वैशाख १७ र २७ गतेका लागि प्रतिनिधिसभा निर्वाचन तयारी र सुरक्षा व्यवस्थापनमा केन्द्रित हुन निर्देशन आएसँगै हामी त्यतैतिर व्यस्त छौं,’ प्रवक्ता कुँवरले भने, ‘अहिले हाम्रो प्राथमिकता समायोजनभन्दा चुनाव नै हो ।’ कान्तिपुर दैनिकमा खबर छ ।
सहरी विकास मन्त्रालयले निर्माणाधीन धरहराको बेसमेन्टमा सवारीसाधन पार्किङ मानवीय स्वास्थ्यका दृष्टिले जोखिमपूर्ण हुन सक्ने भन्दै सचेत गराएको छ । मन्त्रालयले त्यहाँ आवश्यक प्राविधिक तयारी ...
चालुु आर्थिक वर्ष २०८०/८१ मा नेपाली श्रमिकका लागि मलेसियाको रोजगारी घटेको छ । गत आव २०७९/८० मा पहिलो श्रम गन्तव्य देश बनेको मलेसिया चालुु आवमा क्रमशः घटेर तेस्रो र चौथो ...
बुटवल, १५ फागुन- भैरहवास्थित गौतम बुद्ध अन्तर्राष्ट्रिय विमानस्थलमा ३५ जना चिनियाँसहित २ सय मजदुर काम गरिरहेका छन् । केही निर्माण उपकरण र मेसिनरी यन्त्र थपिएका छन् । द्रुतगतिमा कच्चा पदार्थ संकलन भएको छ । च...
विशेष आर्थिक क्षेत्र (सेज)भित्र मदिरा, सुर्तीजन्य र विस्फोटक पदार्थ उत्पादन गर्ने उद्योग स्थापना गर्न नपाइने भएको छ। विश...
नेपाल कम्युनिस्ट पार्टी (माओवादी केन्द्र) सँग एकता गर्न नेपाल समाजवादी पार्टीका अध्यक्ष डा. बाबुराम भट्टराईलाई पार्टीभित्रबाट नेताहरूले दबाब दिन थालेका छन् । पार्टीका अर्का अध्य...
ललिता निवास प्रकरणमा विशेष अदालतले बिहीबार फैसला गरेको छ । फैसला अनुसार ललिता निवासको हडपिएको जग्गा सरकारको नाममा आउने भएको छ। अदालतले त्यसमा दोषीहरुलाई कैद र जरिवानको फैसला पनि गरेको छ । ...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...