चीनको अर्थतन्त्र सन् २०२० मा २.३ प्रतिशतले बढेको आँकडा त्यहाँका सरकारी अधिकारीहरूले सोमवार सार्वजनिक गरेका छन् । 

कोरोनाभाइरसले ध्वस्त पारेको वर्षमा आर्थिक वृद्धि गर्ने मुलुक चीन मात्र हो । 

विज्ञहरूले अपेक्षा गरेको भन्दा राम्रो आर्थिक वृद्धि चीनले हासिल गरेको हो । उसले स्वास्थ्य उपकरण निर्यात गरेर अनि आफ्ना प्रतिस्पर्धीहरूसँग मार्केट शेयर नियन्त्रणमा लिएर अर्थतन्त्र बलियो बनाएको हो । 

भाइरस नयाँ नयाँ रूप धारण गर्दै फर्किरहेकाले विश्व अर्थतन्त्र अझै कमजोर अवस्थामा छ र कठोर लकडाउनहरू अझै पनि लगाइएका छन् । तर बेइजिङले भाइरस नियन्त्रणमा लिएको दाबी गरेको छ । 

त्यसो त सन् २०१९ को तुलनामा चीनको अर्थतन्त्र सन् २०२० मा कमजोर रह्यो । अघिल्लो वर्ष चीनको आर्थिक वृद्धि ६ प्रतिशत थियो । 

तर अधिकांश विश्लेषकहरूले २ प्रतिशत वृद्धिको भविष्यवाणी गरेको भए पनि चीनले अपेक्षाभन्दा राम्रो प्रदर्शन गरेको हो । 

सन् २०२० को अन्तिम त्रैमासिकमा ६.५ प्रतिशत आर्थिक वृद्धि देखिएको थियो । 

अन्य ठूला अर्थतन्त्रहरू सन् २०२० मा ४.२ प्रतिशतको औसत दरमा खुम्चिने प्रक्षेपण गरिएको छ ।