धमला पत्नी एलिजा नयाँ चलचित्रमा

केहि समय अघि निर्देशक दिपक श्रेष्ठले भनेका थिए, ‘अब चलचित्र निर्देशन गर्छु जस्तो लागेको छैन । चलचित्र बनाउने स्थिती नबनेसम्म चलचित्र उद्योगमा फर्किनुको अर्थ छैन ।’


उनले अनौपचारिक गफमा उक्त कुरा भनेको लामो समयपछि नयाँ चलचित्रको घोषणा गरेका छन् । उनी लगभग ७ वर्षपछि चलचित्र निर्देशनमा फर्किने तयारी गरेका हुन् । 
उनले अन्तिम समय चलचित्र ‘रङ वे’ निर्देशन गरेका थिए । त्यसपछि चलचित्र उद्योगबाट गुमनाम थिए । 


Advertisement

उनले नयाँ चलचित्र ‘घिन्ताङ’ बनाउने भएका छन् । हाल चलचित्रको स्क्रिप्टको काम भइरहेको निर्देशक श्रेष्ठको भनाई छ । चलचित्र ‘अनुराग’बाट चलचित्र यात्रा थालेकी एलिजासँग हालै श्रेष्ठले कागजी सम्झौता गरेका छन् । एलिजाले राम्रो रकममा चलचित्रमा साइन गरेको बताएपनि के कति रकममा साइन गरेकी हुन् अहिलेसम्म खुलाएकी छैनन् ।

यो चलचित्रको अभिनेताका लागि अभिनेता विपिन कार्कीसँग कुराकानी भएको थियो । 


Advertisement

तर, विपिन ‘प्रसाद’को सिक्वेलमा व्यस्त भएपछि निर्देशक श्रेष्ठले युवा कलाकार गौरव पहाडीलाई आफ्नो प्रोजेक्टमा भित्राएका छन् । पहाडी पछिल्लो समयका व्यस्त अभिनेतामा पर्छन् । 

चलचित्रमा गाउँघरमा बस्ने नेपालीको वास्तविक कथालाई समेट्ने तयारी गरिएको छ । निर्देशक श्रेष्ठले चलचित्रको अहिले प्रि–प्रोडक्सनको काम भइरहेको जानकारी दिए ।

श्रेष्ठ कुनै बेलाका सर्वाधिक व्यस्त र डिमाण्डेड निर्देशक हुन् । उनले निर्देशन गरेका चलचित्र पापी मान्छे, भाइ, तकदिर, पर्खि बसेँ, हिम्मत, सूर्य चन्द्र, बचन, वीर लगायतका चलचित्र सफल चलचित्रमा गनिन्छन् ।

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्