बागमती प्रदेशका मुख्यमन्त्री डोरमणि पौडेलले राजनीतिक स्थिरता, शान्ति र जनताप्रति उत्तरदायी एंव जिम्मेवार हुन प्रदेशसभा सदस्यलाई आग्रह गरेका छन् । मुख्यमन्त्री पौडेलले आफ्नै पार्टीका असन्तुष्ट पक्ष (माधव–प्रचण्ड पक्ष) बाट अविश्वास प्रस्तावको सामना गरिरहेका छन् ।

आज बसेको प्रदेशसभाको बैठकलाई सम्बोधन गर्दै उनले नेपालको संविधानको मर्मअनुसार प्रदेश सरकारको गठनलगत्तै तीन वर्षको कार्यकालमा जनतालाई आर्थिक समृद्धि तुल्याउने विभिन्न कार्यक्रम र राष्ट्रिय गौरवका आयोजनाको निर्माण गर्ने कार्य प्रारम्भ गरेको बताए ।

प्रमुख प्रतिपक्ष नेपाली कांग्रेसका नेता इन्द्रबहादुर बानियाँले संविधान विपरित प्रतिनिधिसभा विघटन भएकोमा चिन्ता व्यक्त गर्दै लोकतन्त्रको सुदृढीकरण र दीगो शान्तिका लागि कांग्रेस सडक आन्दोलनमा उत्रिनु परेको बताए ।
प्रदेशसभाको अर्को अनिश्चतकालका लागि स्थगन गरिएको छ ।