पछिल्लो २४ घन्टामा मुलुकभर थप ३ सय २ जनामा कोरोना भाइरस संक्रमण पुष्टि भएको छ । 

शुक्रवार ३ सय २ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको हो ।

यससँगै मुलुकभर हालसम्म कुल २ लाख ६८ हजार ९ सय ४८ जनामा कोरोना संक्रमण भएको छ ।

मन्त्रालयका अनुसार, शुक्रवार ४ सय ८० जना संक्रमित निको भएका छन् । यससँगै मुलुकभर कोरोना भाइरसमुक्त हुनेको संख्या २ लाख ६३ हजार ३ सय ४८ पुुगेको छ । 

मन्त्रालयका अनुसार, हालसम्म सक्रिय संक्रमितको संख्या ३ हजार ६ सय १४ जना रहेको छ । 

पछिल्लो २४ घन्टामा ७ जना संक्रमितको मृत्यु भएको छ । यससँगै हालसम्म कोरोना संक्रमणबाट ज्यान गुमाउनेको संख्या १ हजार ९ सय ८६ पुुगेको मन्त्रालयले जनाएको छ ।