१५ वर्षीया बालिकालाई करणी गरेर गर्भवती बनाउने सोलुखुम्बुका ५० वर्षीय सन्तवीर राईलाई प्रहरीले पक्राउ गरेको छ ।
  
काठमाडौंको नयाँबस्तीमा बस्दै आएका राईले १५ वर्षीया युवतीलाई गर्भवती बनाएका हुन् । 

ठेक्कापट्टा गर्दै आएका राईले युवतीलाई विभिन्न प्रलोभन देखाएर यौन सम्पर्क गरेको प्रहरी अनुसन्धानबाट खुलेको छ ।
 
प्रहरीका अनुसार पीडित बालिकाकी आमा उनकै ठेक्कापट्टामा काम गर्दै आएकी र सोही घरमा बस्दै आएकी थिइन् । बालिकाको पेट बढ्दै गएपछि बालिका गर्भवती भएको खुलेको हो ।

‘बालिकालाई गर्भवती बनाउने राईलाई हामीले नियन्त्रणमा लिएका छौं, बाँकी अनुसन्धान हुँदैछ,’ महानगरीय प्रहरी वृत्त बौद्धका प्रमुख डीएसपी नविन कार्कीले भने ।