गरीबी उन्मूलनका लागि काम गर्ने संस्था अक्सफ्यामले कोरोनाभाइरस महामारी रोक्न लगाइएको लकडाउनका क्रममा भारतीय अर्बपतिहरूको सम्पत्ति ३५ प्रतिशतले बढेको छ ।

यस अवधिमा करोडौं मानिसलाई चाहिँ जीविका चलाउन नै धौधौ परेको छ । 
 

इनइक्वालिटी भाइरस शीर्षकको प्रतिवेदनमा लेखिएको छ, ‘मार्च २०२० पछि भारतमा १०० अर्बपतिहरूको सम्पत्तिमा १२ लाख करोड भारु बढेको छ । यति रकम देशका सबभन्दा गरीब १३.८ करोड मानिसलाई दिने हो भने प्रत्येकले ९४ हजार ४५ भारु पाउँछन् ।’ 

प्रतिवेदनमा आयको असमानताको उल्लेख गरिएको छ । महामारीको बेलामा मुकेश अम्बानीले एक घन्टामा जति कमाए, त्यति कमाउनका लागि एक मजदूरले दश हजार वर्ष लाग्छ । 

कोराना महामारी विगत १०० वर्षमा सबभन्दा ठूलो स्वास्थ्य संकट भएको र यसले सन् १९३० को मन्दीपछिकैै सबभन्दा ठूलो आर्थिक संकट उत्पन्न गरेको प्रतिवेदनमा उल्लेख गरिएको छ ।