बंगलादेशमा चीनको खोप ल्याउन भारतले भाँजो हालेको ग्लोबल टाइम्सको दाबी

बंगलादेशमा कोरोनाविरुद्धको चिनियाँ खोप उपयोग नगर्नका लागि भारतले भूमिका खेलेको भनी चीन सरकारको मुखपत्र ग्लोबल टाइम्सले दाबी गरेको छ । 

हिन्दुस्तान टाइम्स पत्रिकामा छापिएको एक खबरको खण्डन गर्दै ग्लोबल टाइम्सले सिनोभ्याक कम्पनीसँग बंगलादेश सरकारले क्लिनिकल ट्रायल गर्नका लागि जुलाई महिनामा सम्झौता गरेको र अगस्ट महिनादेखि परीक्षण शुरू गर्ने योजना बनाएको भनी लेखेको छ । 


Advertisement

तर क्लिनिकल ट्रायल अक्टोबर महिनासम्मका लागि टारिएको किनकि भारतीय सरकारले चीन र बंगलादेशसँगको सहकार्य हसन नदिनका लागि हस्तक्षेप गरेको ग्लोबल टाइम्सले स्रोतहरूको हवाला दिँदै लेखेको छ । 

हिन्दुस्तान टाइम्सले बंगलादेश सरकारलाई चीनको कम्पनीले क्लिनिकल ट्रायलका लागि खर्च बेहोर्न भनेकाले बंगलादेशले भारतसँग सित्तैमा खोप लिएको भनी खबर दिएको थियो । 


Advertisement

अक्टोबर महिनासम्ममा सिनोभ्याकले ब्राजिल र टर्की लगायतका मुलुकहरूमा क्लिनिकल ट्रायल गर्न शुरू गरिसकेको थियो । उसले बंगलादेशमा ट्रायलका लागि बाहिरबाट आर्थिक सहायता प्राप्त नगरेकाले सरकारसँग खर्च साझा गर्ने सम्झौता गरेको थियो । यसको क्षतिपूर्तिका रूपमा पछि बंगलादेशलाई निःशुल्क खोप उपलब्ध गराउने भने पनि बंगलादेशले नमानेको आफूले जानकारी पाएको भनी ग्लोबल टाइम्स लेख्छ । 

भारतले दक्षिण एसियाका मुलुकहरूसँग चीनको सहकार्यलाई बदनाम गर्ने कोशिश गरेको किनकि यो क्षेत्र परम्परागत रूपमा भारतको प्रभावमा रहेको तियान क्वाङचियाङले बताए । उनी चाइनिज एकेडमी अफ सोसल सायन्सेजमा नेसनल इन्स्टिच्युट अफ इन्टरनेसनल स्ट्राटेजीका असिस्टेन्ट रिसर्च फेलो हुन् । 

‘दक्षिण एसियामा भारतले आफ्नो प्रभावलाई असर पार्न सकने अनि भारतप्रतिको निर्भरता घटाउन सक्ने शत्रुका रूपमा चीनलाई लिन्छ,’ तियानले बताए । 

आर्थिक दृष्टिकोणबाट हेर्दा भारतले दक्षिण एसियाको खोप बजारमा एकाधिकार जमाउन खोजेको त्यसैले चिनियाँ खोपहरूलाई क्षेत्रीय बजारबाट विस्थापित गर्न खोजेको तियानको भनाइ छ । 

एजेन्सी
एजेन्सी

लेखकबाट थप...

कमेन्ट गर्नुहोस्