नेपाली कांग्रेसका केन्द्रीय सदस्य शेखर कोइरालाले कोभिडको उच्च जोखिमका बेला पनि पार्टीका गतिविधि सञ्चालन गर्दा सावधानी अपनाउन आग्रह गरेका छन् ।

सामाजिक सञ्जाल ट्विटरमा लेख्दै नेता कोइरालाले स्वागत स्वरूप माला एवं खादा लगाइदिने काम बन्द गर्न आग्रह गरेका हुन् ।

‘हामी अझै पनि कोभिडको उच्च जोखिममा छौं । जोखिमकै बीचमा पार्टीका गतिविधि तथा कार्यक्रमहरू गर्नुपर्ने अवस्था छ,’ उनले लेखेका छन्, ‘कार्यक्रममा सबैले अनिवार्य रूपमा मास्क लगाउन तथा स्वागत स्वरूप माला एवं खादा लगाइदिने र फूल दिने काम बन्द गर्न पार्टीका सबै तहका साथीहरूमा आग्रह गर्दछु ।’

हामी अझै पनि कोभिडको उच्च जोखिममा छौं। जोखिमकै बिचमा पार्टीका गतिविधि तथा कार्यक्रमहरु गर्नुपर्ने अवस्था छ।
कार्यक्रममा सबैले अनिवार्य रुपमा मास्क लगाउँन तथा स्वागत स्वरुप माला एवं खादा लगाईदिने र फूल दिने काम बन्द गर्न पार्टीका सबै तहका साथीहरूमा आग्रह गर्दछु। pic.twitter.com/W3ZKqOaxIh

— Dr Shekhar Koirala (@Shekharnc) January 28, 2021