भारतको औरंगाबादमा ३३ वर्षीय एक मजदूरले दाँत माझ्ने क्रममा भूलवश टूथब्रश नै निलेका छन् । 

चिकित्सकहरूले तत्कालै अपरेसन गरेर उनको ज्यान बचाएका छन् । 

घटना एक महिनाअघिको हो । राजेश जाधव नामक ती मजदूरलाई डिसेम्बर २६ बिहान ११ बजे गभर्नमेन्ट मेडिकल कलेज यान्ड हस्पिटलमा पेट दुखेको भन्दै भर्ना गरिएको थियो । 
 

ब्रश पेटको कुन ठाउँमा अड्किएको छ भन्ने कुरा पत्ता लगाउन सीटी स्क्यान गरिएको डा जुनैद एम शेखले बताएका छन् । 

डा शेखले बताए, ‘ब्रश उसको शरीरभित्रै रहिरहेको भए पेट र आन्द्रामा समस्या आइलाग्थ्यो र जीवन नै खतरामा पर्न सक्थ्यो । त्यसैले उसलाई तत्कालै अपरेसन गर्ने निर्णय हामीले लियौं ।’
 

जाधवले कसरी ब्रश निले भन्ने विषय स्पष्ट छैन । 

६ दिन अस्पतालमा बसेर जाधव घर फर्केका थिए । उनी निको हुनका लागि आराम गरिरहेका छन् ।