राष्ट्र बैंकले जारी गर्‍यो सूचना तथा सञ्चार नीति–२०७७, अब फेसबूक र ट्वीटर पनि चलाउने [यस्तो छ पूर्णपाठ]

नेपाल राष्ट्र बैंकले सूचना तथा सञ्चार नीति–२०७७ जारी गरेको छ । 

केन्द्रीय बैंकबाट प्रवाह हुने सूचना तथा जानकारीलाई प्रभावकारी र व्यवस्थित बनाउन राष्ट्र बैंकले मंगलवार नयाँ नीति जारी गरेको हो । 


Advertisement

यस नीति जारी भएसँगै अब राष्ट्र बैंकले सामाजिक सञ्जाल (फेसबूक/ट्वीटर)मार्फत पनि सूचना दिने छ । 

यसअघि राष्ट्र बैंकको आधिकारिक फेसबूक तथा ट्वीटर अकाउन्ट थिएन ।


Advertisement

कार्यविधि पास भएसँगै अबको केही दिनभित्रै सामाजिक सञ्जालमा राष्ट्र बैंकको अकाउन्ट हुने राष्ट्र बैंकका सह–प्रवक्ता नारायण प्रसाद पोखरेलले लोकान्तरलाई जानकारी दिए ।

बैंकले जारी गरेको नीतिमा भनिएको छ, ‘बैंकले प्रवाह गर्नुपर्ने सूचना तथा जानकारी बैंकको आधिकारिक सामाजिक सञ्जालमार्फत सार्वजनिक गर्न सक्नेछ । सामाजिक सञ्जालको सञ्चालन गभर्नरको कार्यालय, सूचना तथा सञ्चार समन्वय महाशाखाले प्रवक्ता तथा सूचना अधिकारीको समन्वयमा गर्नेछ । बैंकले विभिन्न सामाजिक सञ्जालमार्फत बैंकको आधिकारिक पेज वा अकाउन्ट सञ्चालन गरी बैंकका सूचना तथा जानकारी सम्प्रेषण गर्न सक्नेछ ।’

राष्ट्र बैंकले विभाग र महाशाखा प्रमुखले समेत सञ्चारमाध्यम वा सर्वसाधारणसमेतलाई सूचना दिन पाउने व्यवस्था गरेको छ । नीतिमा भनिएको छ,‘गभर्नरको स्वीकृतिबमोजिम आफ्नो विभागसँग सम्बन्धित काम कारबाहीको वारेमा सम्बन्धित विभागीय प्रमुखले प्रवक्तासँग समन्वय गरी सूचना सम्प्रेषण गर्न सक्नेछ ।’

यो कार्यविधि गत माघ १० गते बसेको बैंकको सञ्चालक समितिको बैठकले स्विकृत गरेको र अहिले जारी भएको बैंकले जनाएको छ । 

यस्तो छ पूर्णपाठ

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्