पछिल्लो २४ घन्टामा नेपालमा  ९४ जनामा कोरोना संक्रमण पुष्टि भएको छ । 

३ हजार ६ सय ९२ पीसीआर परीक्षणमा ९४ जनामा कोरोना भाइरस संक्रमण भएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिएका छन् । 

आज काठमाडौं उपत्यकाभित्र भक्तपुरमा २, ललितपुरमा १२ र काठमाडौंमा ३३ जनामा कोरोना संक्रमण पुष्टि भएको उनले बताए ।

यससँगै मुलुकभर कोरोना संक्रमितको संख्या २ लाख ७३ हजार ७ सय ६० पुगेको छ । 

हालसम्म १ हजार ५ सय ५५ जना सक्रिय संक्रमित छन् । 

मन्त्रालयका अनुसार बुधवार ७१ जना संक्रमित भाइरसमुक्त भएका छन् । 

यससँगै मुलुकभर २ लाख ७० हजार १ सय ३९ जना कोरोना भाइरस मुक्त भएका छन् ।

बुधवार मृतकको संख्या १ रहेको छ । हालसम्म २ हजार ६६ जना संक्रमितको मृत्यु भएको छ ।