मंगलग्रहमा पर्सिभियरेन्स रोभर उतार्नका लागि अमेरिकी अन्तरिक्ष नियोग नासाले उपयोग गरेको प्यारासुटमा गोप्य सन्देश पठाइएको पाइएको छ । 

यस सन्देशलाई नासाका मंगल टीमका ६ सदस्यलाई मात्र जानकारी थियो । 

सन्देश सुन्तला र सेतो रंगको पट्टाहरूमार्फत बनाइएको थियो । 

मानिसहरूले यस कोडलाई सजिलै ब्रेक गरे । 

नासाका वैज्ञानिकहरूलाई क्रसवर्ड र पजल मन पर्छन् । सिस्टम इन्जिनीयर इयन क्लार्कले सिक्रेट कोडिङ पठाउने सोच फुराए र अन्य सदस्यसँग सल्लाह गरे । 

त्यसपछि ७० फीट व्यासको प्यारासुटमा डेर माइटी थिंग्स लेख्ने निर्णय लिइयो । त्यसको अर्थ हुन्छ– बहादुर कामका लागि आँट गर । इयनले प्यारासुटमा सुन्तला र सेतो रंगका पट्टाहरूलाई बाइनरी कोडमा बदले । 
 

नाइलनले बनेको प्यारासुटमा बाइनरी कोडिङ गरियो । त्यसलाई पहिले कम्प्युटर डिजाइन तयार पारियो र त्यसैअनुरूप प्यारासुट बनाइयो । 

यसलाई पठाएको केही घन्टाभित्र मार्स मिसनका प्रशंसकहरूले बाइनरी कोड तोडिदिए ।
 

डेयर माइटी थिंग्स भनी अमेरिकाका पूर्व राष्ट्रपति थियोडोर रूजवेल्टले बताएका थिए ।