अमेरिकाको पेन्सिल्भेनिया शहरमा पक्षीविद् जेम्स आर हिल तृतीयले दुर्लभ चराको तस्वीर खिच्न सफलता पाएका छन् । 

यो चरो आधा भाले आधा पोथी हो । 

जीवनमा एकपटक मात्र यस दुर्लभ पक्षीलाई देख्न पाइने जेम्सले बताए । १० लाख चरामा एउटा चरा यस्तो हुने उनको भनाइ छ । 

यसको नाम कार्डिनल चरा हो । भालेपट्टिको भाग रातो र पोथीपट्टिको भाग खैरो तथा सेतो रंगको छ । 

डबल फर्टिलाइजेसनका कारण चरामा यस्तो परिवर्तन आउँछ । यसमा पोथीको अण्डाका कोशिकाहरू दुई नाभिका साथ विकसित हुन्छन् र दुई शुक्राणुबाट निषेचित हुन्छन् । 

परिणामस्वरूप एउटै शरीर भाले र पोथी दुवै बन्छ । 
 

कार्डिनल चरा उत्तरी र दक्षिणी अमेरिकामा पाइन्छन् ।