ओली र गौतमबीच बालुवाटारमा भेटवार्ता, पार्टी एकताको प्रस्तावमा ओली मौन !

फाइल फोटो

नेकपाका उपाध्यक्ष वामदेव गौतम र प्रधानमन्त्री केपी शर्मा ओलीबीच बालुवाटारमा भेटवार्ता भएको छ ।

शुक्रवार अपराह्न करीब ३ बजे बालुवाटार गएका गौतम १ घण्टाको भेटवार्तापछि निवासमा फर्किएका हुन् ।


Advertisement

'प्रधानमन्त्रीसमक्ष उहाँले पार्टी एकताको प्रस्ताव गर्नुभएको छ,' गौतमनिकट स्रोतले लोकान्तरलाई बतायो ।

गौतमले ओलीलाई पार्टी एकताका लागि पहल गर्न आग्रह गरे पनि ओलीले भने प्रष्ट जवाफ दिएनन् ।


Advertisement

प्रतिनिधि सभा पुनःस्थापनापछि गौतमले पार्टी एकताका लागि ओली प्रधानमन्त्रीबाट सम्मानजनक बहिर्गमन हुनुपर्ने बताउँदै आएका थिए ।

ओलीले भने राजीनामा नदिने अडान लिँदै आएका छन् ।

ओलीले आजै नेकपाको संसदीय दलको प्रमुख सचेतकबाट देव गुरुङलाई हटाएर खोटाङबाट निर्वाचित विशाल भट्टराईलाई नियुक्त गरेका छन् ।

 

 

 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्