कात्तिक १९, २०८०
प्रधानमन्त्री पुष्पकमल दाहाल ‘प्रचण्ड’ले त्रिभुवन विश्वविद्यालयको निमित्त उपकुलपतिमा शिक्षाध्यक्ष प्रा शिवलाल भुसाललाई नियुक्त गरेका छन् । त्रिविका उपकुलपति प्रा.डा. धर्मकान्त बाँस्कोटाको चार वर्षे ...
लुम्बिनी बौद्ध विश्वविद्यालयले रुपन्देहीको देवदहमा करीब १०० विगाहा जमिन प्राप्त गरेको छ ।
मन्त्रिपरिषद्को फागुन ११ गतेको बैठकले बुद्धको मावली गाउँमा जग्गा दिने निर्णय गरेको छ । देवदह नगरपालिका–८ स्थित बुद्धमावली सामुदायिक वन सहितको जग्गा विश्वविद्यालयले पाएको हो ।
लुम्बिनीमा केन्द्रीय कार्यालय रहेको विश्वविद्यालयलाई शैक्षिक कार्यक्रम विस्तारका लागि जग्गा अपुग रहेको थियो । विश्वविद्यालयले ५ वर्षदेखि देवदहमा जग्गा प्राप्तिका लागि पहल थालेको थियो ।
वनको जग्गा प्राप्तिका लागि अन्य स्थानमा जग्गा खरिद गरेर सोधभर्ना गर्नुपर्ने वा सोबापत रकम बुझाउनुपर्ने कानूनी प्रावधान छ । अर्थ मन्त्रालयले विश्वविद्यालयका लागि जमिन दिँदा चाहिने करीब २० करोड रकम वन मन्त्रालयलाई दिने प्रतिबद्धतापछि मन्त्रिपरिषद्ले जग्गा दिने निर्णय गरेको छ ।
रुपन्देहीका जनप्रतिनिधि एवं अर्थमन्त्री विष्णु पौडेलले विशेष पहलकदमी गर्दै वन मन्त्रालयलाई अर्थ नै सोधभर्ना गर्ने निर्णय लिएपछि विश्वविद्यालयले जग्गा प्राप्ति गरेको हो । पौडेलले निर्वाचनमा आफ्नो घोषणापत्रमै बौद्ध विश्वविद्यालयको विकासलाई प्राथमिकतामा राखेका थिए । सोही अनुरुप देवदहमा ६१.२५ हेक्टर क्षेत्रफल रहेको जग्गामा विश्वविद्यालयले पूर्वाधार निर्माण गर्नेछ ।
रुपन्देहीको पूर्वाधार विकासमा ठूलो काम गरिरहेका अर्थमन्त्री पौडेलले शिक्षा र स्वास्थ्य क्षेत्रको पूर्वाधार विकासमा जोड दिँदै आएका छन् । बुटवल मेडिकल कलेज, लुम्बिनी बौद्ध विश्वविद्यालयको डीन कार्यालय स्थापना र पूर्वाधार निर्माणको काम शुरू भइसकेको छ । बुटवल मेडिकल कलेजको गुरुयोजना अन्तिम चरणमा पुगेको छ ।
बौद्ध विश्वविद्यालयले बुटवलको नयाँगाउँमा डीन कार्यालय सहितको आंगिक क्याम्पस शुरू गर्दैछ । जसका लागि समेत स्थानीय स्तरबाट जग्गा प्राप्ति भएको छ ।
विश्वविद्यालयका रजिस्ट्रार डा. तिलक आचार्यले लामो मेहनतपछि देवदहमा जग्गा प्राप्ति भएको बताए । ‘यही जग्गाका लागि म आफैं ५ वर्षदेखि हिँडिरहें, अर्थमन्त्री विष्णु पौडेलको विशेष पहलपछि क्याबिनेटले जग्गा दिने निर्णय गरेको छ,’ उनले भने, ‘यो विश्वविद्यालयको मात्रै नभई लुम्बिनी प्रदेशकै लागि ठूलो उपलब्धि हो ।’
विश्वविद्यालयले अहिले ३ वटा विषयमा देवदहमै पठनपाठन शुरू गरिसकेको छ । पूर्वाधार निर्माणको काम तत्काल नै शुरू हुने रजिस्ट्रार आचार्यले बताए । ‘देवदह, तिलौराकोट, बुटवल र लुम्बिनीमा विश्वविद्यालयका आंगिक संरचना हुनेछन्,’ उनले भने, ‘अब पूर्वाधारको अभाव नहुने गरी निर्माणको काम थाल्छौं ।’
२०६१ सालमा स्थापना भएको विश्वविद्यालय २०७१ सालमा मात्रै लुम्बिनीमा आएको हो । त्यसअघि विश्वविद्यालय सम्पर्क कार्यालयका रूपमा काठमाडौंमा मात्रै सीमित रहेको थियो । अहिले लुम्बिनीमा सुविधासम्पन्न पूर्वाधार निर्माण भएका छन् ।
केन्द्रीय कार्यालय भवन, पुस्तकालय, छात्रावास, आवास गृह, बौद्ध स्तुपा सहितका संरचना लुम्बिनीमा तयार भएका छन् ।
विश्वविद्यालयले विभिन्न ८ वटा क्याम्पसलाई सम्बन्धन दिएको छ । विश्वविद्यालयले तिलौराकोट, लुम्बिनी, बुटवल र देवदहमा पठनपाठन गराइरहेको छ । अहिले विश्वविद्यालयमा करीब ३ हजार विद्यार्थी अध्ययनरत छन् ।
देवदहमा प्राप्त भएको जग्गामा तपोवन सहितको पूर्वाधार निर्माण गर्ने योजना रहेको छ । त्यसको गुरुयोजना कोरियन प्रोफेसर क्वाकको टीमले बनाइरहेको छ । क्वाक लुम्बिनीको बृहत्तर गुरुयोजना बनाउने योजनाकार हुन् ।
रुपन्देही क्षेत्र नम्बर १ का सांसद छविलाल विश्वकर्माले विश्वविद्यालयलाई जग्गा दिने निर्णयको स्वागत गरेका छन् । ‘यो निर्णयले समग्र देवदहकै विकासमा आमुल परिवर्तन गर्नेछ,’ उनले भने, ‘जग्गा प्राप्तिका लागि सहयोग गर्ने जनप्रतिनिधि, स्थानीय सबैलाई धन्यवाद छ ।’
देवदहमा विश्वविद्यालयले जग्गा पाएपछि स्थानीय उत्साहित छन् । सोही खुशीयालीमा दीपावली नै भएको छ । स्थानीयले देवदहको विकासमा विश्वविद्यालय आउँदा ठूलो योगदान हुने अपेक्षा गरेका छन् ।
प्रधानमन्त्री पुष्पकमल दाहाल ‘प्रचण्ड’ले त्रिभुवन विश्वविद्यालयको निमित्त उपकुलपतिमा शिक्षाध्यक्ष प्रा शिवलाल भुसाललाई नियुक्त गरेका छन् । त्रिविका उपकुलपति प्रा.डा. धर्मकान्त बाँस्कोटाको चार वर्षे ...
काठमाडौं महानगरपालिकाले नेपालीपन झल्कने गरी विद्यालयको नामकरण गर्न निर्देशन दिएको छ । महानगरपालिकाअन्तर्गतका संस्थागत विद्यालयलाई नेपालीपन झल्कने गरी विद्यालयको नामकरण गर्न महानगरको शिक्षा विभागले आग्रह गरेको ह...
खोटाङको एक विद्यालयमा जम्मा ११ जना विद्यार्थी रहेको पाइएको छ । दुई जना शिक्षक उक्त विद्यालयमा छन् । अझ उजागर गर्नुपर्ने विषय त यो छ– दुईवटा कक्षामा एक–एक जना मात्रै विद्यार्थी छन् । दिक्तेल रु...
सरकारले शिक्षकको अन्तरजिल्ला सरुवा रोक्का गरेको छ । शिक्षा, विज्ञान तथा प्रविधि मन्त्रालयले सामुदायिक विद्यालयका शिक्षकको सरुवासम्बन्धी मापदण्ड निर्धारण तथा र शिक्षक सेवा आयोगको परीक्षा समाप्त नभएसम्म शिक्षकहरूको अन्तर...
पहाडी जिल्ला गुल्मीको दुर्गम क्षेत्रभित्र पर्छ गुल्मी दरबार गाउँपालिका । सोही गाउँपालिकाका दिदीभाइले गरेको मेहनतले अहिले सार्थकता पाएको छ । गुल्मी दरबार– ४ वीरबासका दिदीभाइ सोफिया चुदाली र सन्देश ...
सामुदायिक क्याम्पसमा विद्यार्थीको हाहाकार भइरहेका बेला बुटवल कालिका क्याम्पसले यसै शैक्षिक सत्रदेखि स्नातकोत्तर तहको अध्यापन शुरू गर्न लागेको छ । बुटवल– १० रामनगरस्थित क्याम्पसले एमएममा आर्टसतर्फ अंग्रेजी र ग्र...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...
आत्मिक शुद्धताका पक्षपाती दार्शनिक सुकरात चौबाटोमा उभिएर एथेन्सबासीलाई आह्वान गरिरन्थे– ‘तपाईं नीति, सत्य र आत्माको शुद्धताका लागि किन ध्यान दिनुहुन्न ?’ उनका अर्थमा त्यो जीवन बाँच्न योग्य हुँदैन...