भारतको विपक्षी दल कांग्रेसकी महासचिव प्रियंका गान्धी वाड्रा असम भ्रमणमा छिन् । त्यहाँ उनी चुनाव प्रचारका लागि पुगेकी हुन् । 

मंगलवार तेजपुरमा उनको जनसभा छ । 

जनसभामा सहभागी हुनुअघि प्रियंकाले चियाबगानमा मजदूरहरूसँग भेटघाट गरिन् । त्यहाँ टोकरी लिएर उनी मजदूर झैं चियाका पात तोडिरहेको अवस्थामा भेटिइन् । 

असममा चियाबगानका मजदूरहरूको मुद्दा ठूलो हुने गर्छ । त्यसैले प्रियंका त्यहाँ पुगेकी हुन् । 

पछि उनले ट्वीट पनि गरिन्, ‘असमको बहुरंगी संस्कृति नै उसको शक्ति हो । मानिसहरू यस बहुरंगी संस्कृति जोगाउनका लागि प्रतिबद्ध छन् भन्ने कुरा मैले उनीहरूलाई भेट्दा थाहा पाएँ । संस्कृति र विरासत जोगाउनका लागि

असमका मानिसहरूको लडाइँमा कांग्रेस पार्टी उनीहरूलाई साथ दिन्छ ।’

असममा प्रियंकाले कामाख्या देवीको मन्दिरमा पूजा अर्चना समेत गरेकी छन् । उनले आदिवासीहरूसँग ट्राइबल डान्स समेत गरिन् ।