गृहमन्त्री रामबहादुर थापा ‘बादल’ र नेपाल कम्युनिस्ट पार्टी (नेकपा) महासचिव नेत्रविक्रम चन्द ‘विप्लव’बीच शनिवार भेटवार्ता भएको छ ।

सरकार र विप्लव नेकपाबीच भएको सहमति अनुसार हिरासतमा रहेका कार्यकर्ता छाड्ने र मुद्दा फिर्ता लिने विषयमा बिहान ९–१० बजेसम्म छलफल भएको मन्त्री बादल निकट स्रोतले जनाएको छ ।

शुक्रवार प्रधानमन्त्री केपी शर्मा ओली र महासचिव विप्लव सहभागी सार्वजनिक कार्यक्रममा दुवै पक्षबीच सम्झौतापत्रमा हस्ताक्षर भएको थियो ।

सम्झौता अनुसार विप्लव नेकपा शान्तिपूर्ण राजनीतिमा आइसकेको छ भने सरकारले लगाएको प्रतिबन्ध फुकुवा भइसकेको छ ।

पक्राउ परेका कार्यकर्ता रिहा गर्ने र मुद्दा फिर्ता लिने प्रक्रियामा दुवै पक्षले काम गरिरहेका स्रोतले जनाएको छ ।