प्रधानमन्त्री केपी शर्मा ओलीले आइतवार कोरोना भाइरस विरुद्धको खोप लगाउने भएका छन् । 

ओलीले त्रिवि शिक्षण अस्पताल महाराजगञ्जमा आइतवार खोप लगाउने कार्यतालिका रहेको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले लोकान्तरलाई जानकारी दिए । 

उनका अनुसार, आइतवार बिहान १० बजे प्रधानमन्त्री ओलीले खोप लगाउनेछन् । 

प्रवक्ता गौतमले भने,‘भोलि आइतवार बिहान १० बजे शिक्षण अस्पतालमा प्रधानमन्त्री ज्युले खोप लगाउने कार्यक्रम छ ।’