लुम्बिनीलाई हराउँदै सुदूरपश्चिम ललितपुर मेयर्स कप क्रिकेट प्रतियोगिताको फाइनलमा

लुम्बिनीलाई पराजित गर्दै सुदुरपश्चिम प्रदेश राजधानीमा जारी ललितपुर मेयर्स कप टी-२० महिला क्रिकेट प्रतियोगिताको फाइनलमा प्रवेश गरेको छ।

अन्तिम लिग खेलमा लुम्बिनी प्रदेशलाई ८ विकेटको फराकिलो अन्तरले पराजित गर्दै सुदूरपश्चिमले फाइनलमा स्थान पक्का गरेको हो ।

---

Advertisement

---

शनिबार हुने फाइनलमा सुदूरपश्चिमले नेपाल एपीएफ क्लबसँग प्रतिस्पर्धा गर्नेछ ।

सुदुरपश्चिम दोस्रोपटक राष्ट्रिय स्तरको प्रतियोगिताको फाइनलमा पुगेको हो ।

---

Advertisement

---

सुदूरपश्चिमलाई जित दिलाउने क्रममा लक्ष्मी साउदले ४ विकेट हात पारिन् । 

सुदूरपश्चिमको धारिलो बलिङसामु लुम्बिनी २० ओभरमा ९ विकेट गुमाएर ७२ रनमा समेटिएको थियो ।

७३ रनको विजयी लक्ष्य सुदूरपश्चिमले मात्र १२ ओभर ३ बलमा २  विकेट गुमाएर पूरा गर्‍यो ।

एकै ओभरमा ३ सहित कुल ४ विकेट लिएकी लक्ष्मी साउद म्यान अफ दी म्याच घोषित भइन् ।