ग्रीनल्यान्डमा उत्खननविरोधी वामपन्थी दल निर्वाचनमा विजयी

ग्रीनल्यान्डमा दुर्लभ पदार्थ उत्खनन गर्ने परियोजनाको विरोध गर्ने एक वामपन्थी दलले समयअगावै गरिएको निर्वाचनमा सबभन्दा धेरै सीट ल्याएको छ । 
 

इनुइट आताकातिगीत (आईए) नामक दलले ३७ प्रतिशत मत हासिल गरेको छ जबकि चार वर्षअघिको निर्वाचनमा उसले २६ प्रतिशत मत ल्याएको थियो । 


Advertisement

मंगलवार भएको निर्वाचनको परिणामले क्वानेफेल्डमा रहेको उत्खनन परियोजनामा शंका उत्पन्न गराएको छ । 
 

ग्रीनल्यान्डको विशाल खनिज स्रोत दोहन गर्न खोजिरहेका अन्तर्राष्ट्रिय उत्खनन कम्पनीहरूलाई यसले दह्रो सन्देश दिएको छ । 


Advertisement

सत्तारूढ सिउमुत पार्टीले २९ प्रतिशत भोट पाएको छ ।

उत्खनन समर्थक सिउमुत पार्टी सन् १९७९ देखि सत्तामा छ । 

उत्खननको ठाडो विरोध नगरे पनि आईएले वातावरणमा धेरै जोड दिने गरेको छ । उसले क्वानेफेल्ड परियोजना रोक्नका लागि अभियान चलाएको छ । उक्त परियोजनाले नियोडाइमियम लगायत दुर्लभ पदार्थ तथा युरेनियम उत्खनन गर्न खोज्दैछ । 
 

एजेन्सी
एजेन्सी

लेखकबाट थप...

कमेन्ट गर्नुहोस्