कारोवार भएको वर्षको पहिलो दिन बिहीवार शेयर बजारले नयाँ रेकर्ड छोएको छ ।

वैशाख १ गते बुधवार सार्वजनिक बिदा परेकाले बिहीवारबाट कारोवार शुरू भएको हो ।

कारोवारको पहिलो दिन नेप्से २०.६७ ले बढेर २७ सय ३५ दशमलव ४६ बिन्दुमा कायम भएको छ । यो हालसम्मकै उच्च बिन्दु हो ।

बिहीवार खास गरी बैंकिङ र विकास बैंक लगायतका क्षेत्रमा उल्लेख्य कारोवार र वृद्धि पनि भएको छ ।

जलविद्युत र व्यापार उपसमूहमा भने गिरावट आएको छ । 

बिहीवार बेष्ट फाइनान्स, एनआईसी एसिया लघुवित्त, ज्योती लाइफ इन्स्योरेन्स, महिला लघुवित्त लगायतका कम्पनीका लगानीकर्ताले सबैभन्दा धेरै कमाएका छन् भने मल्टीपर्पोज फाइनान्स, नेसनल माइक्रो फाइनान्स, स्वाभिमान लघुवित्त लगायतका कम्पनीका लगानीकर्ताले सबैभन्दा धेरै गुमाएका छन् ।