कम्युनिस्ट नेता सीताराम येचुरीलाई पुत्रशोक, ३४ वर्षकै उमेरमा कोरोनाले लियो ज्यान

भारतीय कम्युनिस्ट पार्टीका वरिष्ठ नेता सीताराम येचुरीलाई पुत्रशोक परेको छ ।

कोरोना भाइरस संक्रमणबाट बिरामी परेका नेता येचुरीका छोरा आशिषको ३४ वर्षकै उमेरमा मृत्यु भएको हो ।


Advertisement

भारतको मेदान्त अस्पतालमा उपचाररत आशिषको कोरोनाले मृत्यु भएको भारतीय सञ्चारमाध्यमले जनाएका छन् ।

आशिषको स्वास्थ्यमा सुधार हुँदै गएपनि बिहीवार बिहान साढे ५ बजे अकस्मात मृत्यु भएको जनाइएको छ ।

नेता येचुरीले ट्विटरमा लेखेका छन्, ‘मैले दुःखका साथ भन्नुपरेको छ कि मेरो जेठो छोराको कोरोनाका कारण निधन भयो । छोराको स्वास्थ्य लाभको कामना गरेका र उपचामा संलग्न सबैलाई म धन्यवाद दिन्छु । यसमा डाक्टर, नर्स, फ्रन्टलाइन स्वास्थ्यकर्मी सहभागी छन् ।’

भारतमा कोरोनाले भयावह रूप लिएको छ । संक्रमितको संख्या बढ्दै गएपछि भारतमा अक्सिजन र भेन्टिलेटरको अभाव देखिएको छ ।

एजेन्सी
एजेन्सी

लेखकबाट थप...

कमेन्ट गर्नुहोस्