छुटे विप्लव समूहका नेता कठायत

नेत्रविक्रम चन्द  नेतृत्वको नेकपाका जिल्ला कमिटी सदस्य जोगबहादुर कठायत कारागारमुक्त भएका छन् ।  

उनविरुद्ध जिल्ला अदालतमा चन्दा असुली, हातहतियार खरखजाना र राजद्रोह गरी पाँच मुद्दा छ ।


Advertisement

सरकारसँग चन्द समूहको तीन बुँदे सहमति भए पनि बझाङमा पक्राउ परेका कार्यकर्ता छुटेका थिएनन् ।

जिल्ला कारागारमा समूहका ५  कार्यकर्ता थिए । यसअघि गत चैतमा जिल्ला कमिटी सदस्य देवदत्त अवस्थी कारागारमुक्त भएका थिए । अझै तीन जना कारागारमै छन् ।

प्रहरीले कठायतलाई विसं २०७७ मङ्सिर २७ गते धनगढीबाट पक्राउ गरेको थियो । 

जिल्ला कमिटी सदस्य कठायतलाई अवीरमाला, बाजासहित सदरमुकाम चैनपुर परिक्रमा गराइनुका साथै कोणसभा समेत आयोजना गरिएको थियो । 

सभामा  कठायतले वार्तामा भएका हरेक सहमतिका बुँदा अक्षरशः कार्यान्वयन गर्न सरकारलाई आग्रह गरे ।

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्