जूममा कुरा गर्दागर्दै रोगीको नितम्बमा सुई हानिन् नर्सले

अमेरिकाको फ्लोरिडामा रहेकी एक नर्सले जूममार्फत भइरहेको अदालती सुनुवाइकै क्रममा पुरुष रोगीको नितम्बमा सुई हानेकी छन् । भर्चुअल कोर्टरूममा उक्त पुरुषको नितम्ब सबैले देखे । 
 

निउर्का अग्वेरो नामक ती नर्स बुधवार फ्लोरिडाको ११औं सर्किट कोर्टका न्यायाधीश टमस रिबुलको इजलासमा आफ्नो पालो कुरेर बस्दा खाली हात बस्न सकिनन् । उनले आफ्नो काम पनि भ्याइन् । 


Advertisement

मेडिकल गाउन र पञ्जा लगाएर हातमा सुई लिएर अग्वेरोले पुरुष रोगीको नितम्बमा घोचिन् । 

उक्त दृश्य देखेका सबैजना छक्क परेका थिए । 
 

अग्वेरोको कामको तस्वीर ट्विटरमा मायामी हेराल्डका डेभिड ओभालले पोस्ट गरेपछि भाइरल बनेको थियो । 
 

अग्वेरोविरुद्ध चोरीको आरोप छ र अदालतमा मुद्दा चलिरहेको छ । महामारीमा जूमबाटै अदालती सुनुवाइ हुने गरेको छ । 
 

एजेन्सी
एजेन्सी

लेखकबाट थप...

कमेन्ट गर्नुहोस्