अनुहारमा बल ठोक्किने डरले गर्दा रोनाल्डोले क्लबलाई खुवाए एक गोल (भिडियो)

क्रिस्टियानो रोनाल्डोलाई आफ्नो क्लबको भन्दा पनि अनुहारको चिन्ता लागेको भन्दै आलोचना गरिएको छ । 
 

पार्माविरुद्धको खेलमा बुधवार राति २५औं मिनेटमा पार्माले फ्रीकिक पाएपछि रोक्नका लागि उभिएको वालका एक सदस्यका रूपमा रोनाल्डोले कमजोर प्रयास गरेका थिए । 
 


Advertisement

मिडफील्डर ग्यास्टोन ब्रुगम्यानले फ्रीकिकमा गोल गरेका थिए । 
 

रोनाल्डोको टाउकोको ठीक माथिबाट बल गएपछि उनको प्रतिबद्धतामा प्रश्न उठेको हो । 

अन्य खेलाडीले जस्तै उनी पनि माथि उफ्रेर बल रोक्ने प्रयास गर्लान् भन्ने अपेक्षा थियो । तर उनी अनुहारलाई दुवै हातले छोपेर उभिएका थिए अगाडिपट्टि गोडा लुत्रुक्क राखेका थिए । 

त्यसपछि उनले आफूमाथिबाट बल उडेको हेरे अनि मैदानको मध्यभागतिर दौडिए । 
 

रोनाल्डोको यो हर्कतलाई सामाजिक सञ्जालमा खुबै उडाइयो । उनलाई हिरोको जस्तो अनुहार जोगाउने चिन्ता भएको भन्दै प्रयोगकर्ताहरूले टिप्पणी गरे ।

तर युभेन्टसले खेल ३–१ ले जितेकाले रोनाल्डोको चर्को आलोचना चाहिँ भएन । 

एजेन्सी
एजेन्सी

लेखकबाट थप...

कमेन्ट गर्नुहोस्