कोरोनाविरुद्धको खोप लगाउँदा पनि कोरोना त हुन सक्छ तर त्यसले ज्यानै चाहिँ नलिने एक नयाँ अध्ययनले देखाएको छ । 

भारतको मेरठमा खोप लगाएपछि संक्रमित भएका १५० रोगीमाथि स्वास्थ्य विभागले गरेको अध्ययनले यही देखाएको छ । 

खोप लगाएपछि संक्रमण भएकामध्ये पाँचजनालाई अक्सिजन आवश्यक परेको थियो अनि एकजनाको मृत्यु भयो । तर कोरोना बाहेक अन्य गम्भीर रोग लागेकाको मात्र मृत्यु वा भेन्टिलेटरको आवश्यकता परेको हो । 

कोरोनाको दोस्रो लहरले फोक्सोलाई धेरै छिटो हानि गरिरहेको छ । यसले गर्दा फोक्सोमा अक्सिजन पुग्न पाइरहेको छैन । त्यसैले भेन्टिलेटरमा बस्नुपरेको छ । 

यस्ता किसिमका रोगी धेरै भएकाले अस्पतालका शय्याहरू भरिएका छन् । 

यस्तो अवस्थामा खोप नै आशाको किरण बनेको छ ।

खोपले गर्दा फोक्सोहरूमा संक्रमण गम्भीर हुन पाएको छैन । यसले भाइरससँग लड्न सहयोग गरिरहेको छ ।