कात्तिक २५, २०८०
बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...
बैशाख १५, २०७८
कोरोनाभाइरस (कोभिड– १९) को दोस्रो लहर तथा बढ्दो संक्रमणका कारण उपत्यका छाड्नेले गाडी नपाएर ट्रकमा महंगो भाडा तिरेर यात्रा गर्न बाध्य भएका छन् ।
उपत्यकाबाट बाहिरिने मुख्य नाकाको रूपमा रहेको कलंकी क्षेत्रबाट आज (बुधवार) दिउँसो गाडी नपाएर चितवन, बुटवल लगायतका ठाउँका यात्रु ट्रकको पछाडिको ढालामा बसेर यात्रा गर्न बाध्य भएका हुन् ।
बसपार्क, कलंकी, कोटेश्वर जुन कुनै ठाउँमा पनि सवारी खोज्दा नपाएपछि चितवनसम्म ट्रकमै भएपनि जान लागेको चितवनका हरि थापाले बताए ।
ट्रकमा पनि उनले पूरा भाडा ४०० नै तिरेका छन् ।
‘गाडी रिजर्भ गर्न सकिँदैन । बस, जीप, माइक्रो बस सबै प्याक छन् । यसैमा भएपनि जाऊँ भनेर जान लागेको हो,’ थापाले लोकान्तरसँग भने, ‘यहाँ (काठमाडौं उपत्यका) बन्द हुने भयो, बसेर खर्च मात्रै हुन्छ, त्यसैले हिँडेको हो, कहिले खुल्छ हो पत्तो छैन ।’
यस्तै पिकअप भ्यानमा गोरखा जान लागेका एक युवाले उपत्यका बन्द हुने भएपछि ज्यामीको कामपनि बन्द हुँदा उपत्यका छाडेर जान लागेको बताए ।
‘घरको काम पनि नहुने भयो बन्दले गाडी पनि पाइएन, यो पिकअप जान लागेको रहेछ, यहाँ दुःख पाउनुभन्दा घर जान बेस भनेर हिँडे ।’
अर्का एक यात्रुलाई ट्रक पनि दलालले मिलाइदिएका रहेछन् । भाडा कति तिर्नुपर्यो भन्ने कुरा भने उनले खुलाउन चाहेनन् ।
कलंकीमा उपत्यकाबाट बाहिर जान सवारी नपाएका व्यक्तिहरूलाई दलालले ट्रक र पिकअप भ्यानको ढालामा बस्ने व्यवस्था मिलाइदिएबापत समेत पैसा असुलिरहेको देख्न सकिन्छ ।
कलंकीबाट थानकोट जाने सडक खण्डमा ट्रकमा यात्रा गर्ने यात्रुसँग उनीहरूले तिरेको भाडाबारे सोधखोज गर्दा र तस्वीर लिँदा लोकान्तरकर्मीलाई दलालले उल्टै धम्क्यााएका छन् ।
‘तपाईंले किन फोटो खिचेको ? यहाँ फोटो खिच्न पाइँदैन, पत्रकार भनेर जसले पनि फोटो खिच्ने ?,’ एक जना दलालले भने, ‘फोटो डिलिट गरिहाल्नुस् नत्र... !’
तर नजिकै रहेका प्रहरी भने मुकदर्शक बनेर बसेका थिए ।
गाडी नपाएपछि रिजर्भको भाडा तिरेर पोखरातर्फ
चक्रपथ परिक्रमा गर्ने बसमा रिजर्भ लेखेर सीतापाइलामा राख्ने बित्तिकै मानिसहरूको भीड लाग्यो ।
त्यो बस रिजर्भ लिएर पोखरा जान लागेको थियो । एकजना महिलाले हतारिँदै बसमा सामान राखिन् ।
सहचालकले ‘भाडा कति भन्ने थाहा छ नि ?’ भनेर सोधे । उनले जवाफ दिइन्, ‘थाहा छ भन्या, कतिचोटी भनेको होला ... ।’
उनले पोखरासम्म पुग्न ७ सय भाडा तिरेकी रहिछन् ।
‘अरू बेलामा पोखराको भाडा ५२० रुपैयाँ हो, रिजर्भ भनेर ७ सय लिने रे,’ ती महिलाले लोकान्तरसँग भनिन्, ‘के गर्नु, जसरी भएपनि जानुपर्यो ।
काठमाडौंमा निषेधाज्ञाको पूर्वसन्ध्यामा सडकमा झोला तथा गुन्टा बोकेर घरतर्फ लाग्नेको भीड देखिएको छ ।
बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...
भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...
बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् । काठम...
नृत्यका पारखीहरूका लागि लुम्बिनी प्रदेशमा लोकप्रिय नाम हो किशोर थापा । रुपन्देहीका किशोरको परिचय खाली नृत्यकार (डान्सर)मा मात्र सीमित छैन । उनी नृत्य निर्देशक, गायक, मोडल र फूटबल खेलाडीको रूपमा समेत उत्तिकै च...
पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...
रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...