बेल्जियमका एक किसानले फ्रान्ससँगको साँधसीमा नजानिकनै सारेपछि विवाद उठेको छ । 

स्थानीय इतिहासका ज्ञाता जंगलको बाटो भएर जाँदै गर्दा दुई देशबीचको साँध ढुंगा २.२९ मिटर सारिएको पाए ।

आफ्नो ट्य्राक्टरको बाटोमा पर्ने भएकाले किसानले ढुंगा सारेका रहेछन् ।

तर यस घटनाले अन्तर्राष्ट्रिय स्तरमा विवाद उत्पन्न गरेन, बरू दुवै पक्षका अधिकारीहरू मुस्काए । 

‘उनले बेल्जियमलाई ठूलो अनि फ्रान्सलाई सानो बनाए, यो राम्रो सोच हैन,’ बेल्जियमको अर्केलिन्स गाउँका मेयर डेभिड लाभाउले फ्रान्सेली टीभी च्यानल टीएफ१ लाई बताए । 

फ्रान्स र बेल्जियमबीच ६२० किलोमिटर लामो सीमा छ । सन् १८२० मा कोर्तराइक सन्धिपछि सीमा निर्धारण गरिएको थियो । उक्त ढुंगा सन् १८१९ मा राखिएको हो । 

‘मेरो गाउँ झन् ठूलो भयो, म खुशी भएँ,’ बेल्जियन गाउँका मेयरले हाँस्दै भने । ‘तर बोउसाइनिज–सुर–रकका मेयर खुशी भएनन् ।’

बेल्जियमका अधिकारीहरूले किसानलाई ढुंगा पहिलेको ठाउँमा नै राख्नू भन्नका लागि सम्पर्क गर्न खोजेका छन् । उनले मानेनन् भने फौजदारी अपराध ठहरिनेछ ।