नेकपा एमालेबाट दाङको निर्वाचन क्षेत्र नम्बर २(२) बाट निर्वाचित प्रदेशसभा सदस्य अमरबहादुर डाँगीले बिरामी भएको र आराम गर्नुपर्ने भन्दै पदबाट राजीनामा दिएपछि प्रदेश सभाले सूचनापत्र प्रकाशन गरेको छ ।

प्रदेशसभा सचिव दुर्लभ कुमार पुन मगरद्वारा प्रकाशित सूचनामा डाँगीले राजनीतिक खिचातानीबाट मुक्त भई आराम गर्न चाहेको उल्लेख छ ।

सांसद डाँगीले सभामुखसमक्ष राजीनामा दिएकाले स्थान रिक्त भएको समेत प्रदेश सभाले जनाएको छ ।