माघ ५, २०८०
मनीषा जीसीको वास्तविक नाम विष्णु घर्ती क्षेत्री हो । गुल्मीको धुर्कोट गाउँपालिका– ३ हाडहाडेकी विष्णुलाई धेरैले मनीषा भनेर चिन्छन् । उनै मनीषा लोक सेवा आयोगले लिएका पाँचवटा परीक्षामा एकसाथ नाम निकालेर अह...
बैशाख २४, २०७८
दश दिनअगाडि नेपाली कांग्रेस बुटवल नगर सचिव ज्योति भण्डारीलाई कोरोना संक्रमण भयो । स्वासप्रश्वासमा समस्या भएपछि वैशाख २० गते बुटवलमा सघन उपचार कक्ष (आईसीयू) बेड अभाव भएपछि भण्डारीलाई काठमाडौं लैजानुपर्ने अवस्था आयो ।
आफन्तले हेलिकप्टरमार्फत काठमाडौं लैजाने तयारी गरे । सिम्रिक एयरलाइन्समा फोन गरे । बुटवलबाट काठमाडौंका लागि ‘चार्टर’ गरेर बिरामी लगेको ५ लाख २० हजार खर्च लाग्ने सिम्रिक एयरले बतायो । महंगो भयो भनेर परिवारले अन्य एयरलाइन्सलाई फोन गर्न थाले ।
अन्य एयरलाइन्स व्यस्त रहेकाले आउन नसक्ने बताए । त्यसपछि भण्डारीका आफन्त अमृत बस्यालले पुनः उही सिम्रिकलाई फोन गरेर ल बिरामी लिन बुटवल आउनुहोस् भने । तर, २० मिनेटपछि फोन गर्दा सिम्रिकले भन्यो– ६ लाख घटी आउन सकिँदैन ।
बस्याल भन्छन्, ‘२० मिनेट अगाडि ५ लाख २० हजार रुपैयाँ भनेकाले एकैछिनमा फोन गर्दा ६ लाख तल आउन सकिँदैन भन्यो । के गर्ने आफू अप्ठ्यारोमा परेपछि उसैले भनेको ६ लाखमै बिरामीलाई काठमाडौं लैजानुपर्यो ।’
सुगर, निमोनिया देखिएपछि काठमाडौं लगिएका भण्डारीको बीपी स्मृति सामुदायिक अस्पताल बसुन्धरा काठमाडौंमा उपचार भइरहेको छ ।
बस्याल भन्छन्, ‘संकट र महामारीको बेलामा सेवा दिने नाममा लूट धन्दा रहेछ । के गर्ने सरोकारवाला निकाय पनि बोल्दैन । अनुगमन पनि गर्दैन । कति भाडादर हो भन्ने कसैलाई पनि थाहा छैन । मनपरी चलेको रहेछ ।’
रूपन्देहीकै सैनामैना नगरपालिका वडा नम्बर–३ की आशा गौतमलाई वैशाख १४ गते ज्वरोले थला पार्यो । बुटवलको तिलोत्तमा हस्पिटलमा आएर चेकजाँच गराउँदा निमोनिया देखियो । औषधि खाइन् । निको भएजस्तो भयो तर उनलाई खोकी रोकिएन ।
कोरोनाको शंका लागेर पीसीआर जाँच गर्दा उनलाई कोभिड संक्रमण देखियो । स्वासप्रश्वासमा समस्या देखिएपछि सैनामैनाकै कोभिड अस्पताल पदमपाणि चिकित्सालयमा राखिए पनि निको हुने छाँट देखिएन । उनका श्रीमान हेमन्त डराए ।
श्रीमतीलाई हेलिकोप्टरबाट काठमाडौं लैजान बुद्ध एयरलाई बोलाए । बुटवलबाट काठमाडौं लगेको ५ लाख ६५ हजार रूपैयाँ भाडादर भन्यो ।
हेमन्तले भने, ‘बुद्ध एयरको हेलिकप्टरमा महंगो भन्यो । ५ लाख रुपैयाँसम्म गरिदिन बिन्ती गरे । तर, टसमस भएन । के गर्ने बिरामीलाई गाह्रो भइसकेको थियो, उसैले भनेको ‘रेट’मा लैजानुपर्ने अवस्था आयो ।’
हेमन्तले भने, ‘कोरोनाले धेरैको उठिबास लगाउने भयो । ज्यान र धन दुवै सकिने अवस्था आयो । कम्तिमा एउटा रेट त होला नि ? एयरलाइन्सले मनपरी भन्छन् ।’
आशाको काठमाडौंस्थित ह्याम्स अस्पतालमा उपचार भइरहेको छ ।
रुपन्देहीकै तिलोत्तमा नगरपालिका वडा नम्बर– १ नयाँमिलकी पुष्पा बस्नेतलाई कोभिड संक्रमणले च्याप्यो । रूपन्देहीका विभिन्न अस्पताल चाहार्दा पनि कहीँ आईसीयू पाइएन । उनका श्रीमान इञ्जिनीयर दुजेन्द्र बस्नेत श्रीमतीलाई कोभिडले च्यापेपछि छटपटिए । अनि काठमाडौ लैजाने निचोडमा पुगे ।
हेलिकप्टरमा काठमाडौं लैजान मनाङ एयरलाइन्सलाई सम्पर्क गरे । काठमाडौं लगेको ३ लाख ८० हजार भाडा र ५० हजार डाक्टर चार्ज लाग्ने एयरलाइन्सले बतायो ।
दुजेन्द्रले भाडादर केही मिलाउन भने तर उनको कुरा सुनुवाइ भएन । अनन्तले भाडा र डाक्टर चार्ज गरी ४ लाख ३० हजार तिरेर श्रीमतीलाई काठमाडौंमा पुर्याए । उनको अहिले ग्रान्डी इन्टरनेसनल अस्पतालमा उपचार भइरहेको छ ।
दुजेन्द्र भन्छन्, ‘महामारीमा एयरलाइन्सको लुट धन्दा रहेछ । राज्यले छिटो यसको निगरानी गरेर दररेट तय गर्नुपर्यो, नत्र जनता लुट्ने भए ।’
अहिले बुटवल तथा यस आसपासका जिल्लामा दैनिक ५/६ वटा हेलिकप्टर घुमिरहन्छ । बिरामीलाई काठमाडौंसम्म लैजानका लागि अगाडि नै पैसा डिपोजिट गरिसक्नुपर्छ ।
सामान्य अवस्थामा भाडा २ दुई लाख
बुटवल तथा यस आसपासका क्षेत्रबाट हेलिकप्टर चार्टर गरी काठमाडौं जान सामान्य अवस्थामा २ देखि साढे २ लाखसम्म भाडा पर्छ । तर अहिले ६ देखि ७ लाखसम्म असुलिरहेका छन् ।
४ लाख ५० हजारभन्दा तल कुनै पनि एयरलाइन्सले बिरामी लैजाँदैनन् ।
दाङबाट काठमाडाैं लगेको त ७ लाख रुपैयाँसम्म भाडा लिएको समाचार आइरहेका छन् ।
माउन्टेन एयरका क्याप्टेन हिरा दाहालले सामान्य अवस्थाका २ लाख भाडा भए पनि अहिले संक्रमितलाई बोक्न ४ लाख ५० हजारभन्दा कममा बुटवल चार्टर गरेर आउन नसकिने बताए ।
उनले भने, ‘एयरलाइन्स अनुसार भाडा पनि फरक–फरक छ । संक्रमित बोक्ने केस जटिल हो ।
त्यहाँ डाक्टर, नर्स, अक्सिजन सहितको टीम चाहिन्छ । अझै बिरामीको अवस्था हेरेर भाडा बढ्न पनि सक्छ । समय रातिको छ भने झनै गाह्रो हुन्छ, कहाँ सहज छ र ?’ दाङबाट केही दिन अगाडि काठमाडौं बिरामी हेलिकप्टरमा लैजाँदा ७ लाख ५० हजार रुपैयाँ लिएको भनेर सामाजिक सञ्जालमा व्यापक आलोचना भएको थियो ।
‘कालोबजारी ऐनअन्तर्गत कारवाही गरिनुपर्छ’
सुशासनविद् खेमराज रेग्मीले आपतका बेला अनुचित नाफा आर्जन गर्ने एयरलाइन्सलाई कारवाही गरिनुपर्ने बताए ।
‘देशमा अहिले यस्तो महामारी छ,’ रेग्मीले भने, ‘यस्तो बेलामा सहुलियत दरमा सेवा दिनुपर्ने ठाउँमा दोब्बर/तेब्बर असुल्नु सिधै लुट धन्दा हो । यस्तो गर्नेलाई कालोबजारी ऐन अन्तर्गत कारवाही गरिनुपर्छ । कमाउ धन्दा गर्ने एयरलाइन्सको बिजनेसलाई राज्यले प्रतिबन्ध लगाउन सक्नुपर्छ ।’
उनले थपे, ‘यस्तो बेलामा हामीले घच्घच्याउने हो । सरकार त बहिरो र अन्धो छ । के भन्ने जनता सबैभन्दा मारमा परे ।’
मनीषा जीसीको वास्तविक नाम विष्णु घर्ती क्षेत्री हो । गुल्मीको धुर्कोट गाउँपालिका– ३ हाडहाडेकी विष्णुलाई धेरैले मनीषा भनेर चिन्छन् । उनै मनीषा लोक सेवा आयोगले लिएका पाँचवटा परीक्षामा एकसाथ नाम निकालेर अह...
समय : आइतवार बिहान ७ बजे स्थान : नलगाड नगरपालिका, १ चिउरी, जाजरकोट (भूकम्पले सबैभन्दा धेरै क्षति पुर्याएको ठाउँ) ‘मेरी आमालाई किन यस्तो भयो ? मलाई पनि बाँच्न मन छैन,...
बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् । काठम...
बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...
रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...
नृत्यका पारखीहरूका लागि लुम्बिनी प्रदेशमा लोकप्रिय नाम हो किशोर थापा । रुपन्देहीका किशोरको परिचय खाली नृत्यकार (डान्सर)मा मात्र सीमित छैन । उनी नृत्य निर्देशक, गायक, मोडल र फूटबल खेलाडीको रूपमा समेत उत्तिकै च...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...