बलिउड अभिनेत्री कंगना रनावतको ट्विटर अकाउन्ट सदाका लागि बन्द गरिएपछि इन्स्टाग्राममा पनि उनको दिनगन्ती शुरू भएको जस्तो पाइएको छ । 

आपत्तिजनक टिप्पणी गरेको भन्दै ट्विटरले अकाउन्ट सस्पेन्ड गरेपछि इन्स्टाग्रामले पनि कंगनाका पोस्टहरूमा एक्सन लिन थालेको छ । उनले आफूलाई लागेको कोरोनाभाइरसका बारेमा लेखेको पोस्टलाई इन्स्टाग्रामले हटाएको हो । 

‘यो सामान्य रुघाखोकी हो र यसलाई बढी ध्यान दिइएकाले मानिसहरूलाई यसले तर्साइरहेको छ,’ उनले लेखेकी थिइन् । 

उक्त पोस्ट डिलिट भएपछि कंगनाले अर्को पोस्ट लेखिन्, ‘इन्स्टामा आएको दुई दिन मात्र भएको थियो तर यहाँ पनि एक हप्ताभन्दा बढी टिकिएला जस्तो छैन ।’