बलिउड अभिनेत्री कंगना रनावतले प्यालेस्टाइनमाथि इजरायलले गरेको आक्रमणको प्रशंसा गरेपछि सामाजिक सञ्जालमा चर्को आलोचना खेप्नुपरेको छ । 

उनलाई दिमाग बिग्रेकी, मुसलमानहरूलाई घृणा गर्ने र कुण्ठित भएको भन्दै टिप्पणीहरू गरिएका छन् । 

अचम्मको कुरा त कंगनाको आलोचना ट्विटरमा भइरहेको छ जबकि उनको अकाउन्ट सदाका लागि बन्द गरिएको छ । 
 

कंगनाले इन्स्टाग्राममा लेखिन्, ‘आफ्नो देश र जनतालाई उग्रवादी इस्लामिक आतंकवादबाट बचाउनका लागि यो प्रत्येक देशको मौलिक अधिकार हो । भारत इजरायलको समर्थन गर्छ । आतंकवादको जवाफ धर्ना र कडा निन्दाका साथ दिनुपर्छ भन्ने सोच भएकाहरूले इजरायलबाट सिक्नुपर्छ ।’

यसको जवाफमा एक प्रयोगकर्ताले लेखे, ‘दिमाग बिग्रेकी, कुण्ठित र इस्लामविरोधी कंगना रनावतलाई वास्तविक आतंकवाद के हो भन्ने थाहा छ ? रमनााको सबभन्दा पवित्र रातमा लैलत–अल–कद्रमा रोजामा रहेका ३०० जना घाइते भएकाले अनि यस मूर्खका लागि ती निःशस्त्र रोनेदारहरू क्रूर आतंकवादी थिए । वाह ।’

अन्य प्रयोगकर्ताहरूको पनि यस्तै किसिमको प्रतिक्रिया छ ।