लामो समयको प्रतीक्षापछि रिलीज भएको सलमान खानको फिल्म 'राधे : योर मोस्ट वान्टेड भाई' उनका सबै फिल्मको तुलनमा दोस्रो सबभन्दा कम रेटिङ पाउने फिल्म बनेको छ । 

फिल्म वेबसाइट आईएमडीबीमा राधेको रेटिङ जम्मा २.१ छ ।

डिजिटल प्ल्याटफर्ममा रिलीज गरिएको फिल्मले भ्युजको रेकर्ड भने बनाएको छ ।

बिहीवार रिलीज भएदेखि फिल्मको ४२ लाखभन्दा बढी भ्युज भइसकेको छ तर रेटिङ भने साह्रै कमजोर छ । समीक्षकहरूले पनि फिल्म मन नपराएर कम अंक दिएका छन् ।  

तर सलमानका प्रशंसकहरूलाई त्यसो कुनै मतलब छैन । जी५ मा फिल्म रिलीज भएको थियो र रिलीजकै दिन जी५ को सर्भर क्य्राश भयो । 
 

आईएमडीबीमा १० मा जम्मा २.१ रेटिङ पाएको फिल्मलाई फ्लप संज्ञा दिइएको छ । कुल २८ हजार ९६१ प्रयोगकर्ताको प्रतिक्रियापछि फिल्मको यो रेटिङ दिइएको हो । सलमानको रेस ३ ले आईएमडीबीमा जम्मा १.९ को रेटिङ पाएको छ ।