×

NMB BANK
NIC ASIA

संकटका सारथिहरू

महामारीका सारथि: गाडी नि:शुल्क एम्बुलेन्स बनाउने यादवदेखि घरमै खाद्यान्न पुर्‍याउने धर्मसम्म

जेठ ३, २०७८

NTC
Sarbottam
Premier Steels
Marvel

दुई साताअघि पूर्व नवलपरासीको देवचुली नगरपालिकाका एक कोरोना संक्रमितले एम्बुलेन्स नपाएपछि ट्याक्टरमा अस्पताल लैजाँदै गरेको भिडियो सामाजिक सञ्जालमा ‘भाइरल’ बन्यो । 

Sagarmatha Cement
Muktinath Bank

त्यो भिडियो देखेपछि पाल्पाका व्यवसायी यादवसिंह कार्कीको मन धुरूक्कै रोयो । ओहो ! मान्छेमा मानवता हराएछ, बिरामी अस्पताल जान नपाएर छट्पटाउँदा समेत कसैले नछुने । त्यसपछि उनको मनमा सेवाको भाव जागृत भयो । 


Advertisment
RMC TANSEN
IME BANK INNEWS
shivam ISLAND

यस्तो अप्ठ्यारो बेलामा संकटमा परेकालाई सहयोग नगरे कहिले गर्ने भनेर उनले सामाजिक सञ्जालमा लेखे– ‘कोही पनि कोरोना पोजेटिभ देखिएकाले अस्पतालमा जानका लागि एम्बुलेन्स र गाडी पाउनुभएन भने म सेवा गर्न तयार छु ।’ 


Advertisment
Nabil box
Kumari

भोलिपल्ट बिहानै कार्कीलाई तानसेन नगरपालिका– २ का क्षितिज नेपालले एम्बुलेन्स पाइएन दाजुलाई अस्पताल लैजान पर्‍यो भनेर फोन गरे । 

Vianet communication
Laxmi Bank

कार्की तुरून्त घरबाट गाडी लिएर निस्किए । उनलाई अस्पताल पुर्‍याए । पीसीआर जाँच गराएर ल्याए । 

‘हजुर यादवजी हो ? मेरो बिरामी कोरोना पोजेटिभ हो कुनै गाडीले जान मान्दैनन् । एम्बुलेन्स पनि पाइएन, ‘प्लिज सहयोग गरिदिनुपर्‍यो’ भनेर बिहानदेखि राति १० बजेसम्म अहिले दैनिक रूपमा कार्कीलाई फोन आउँछन् । उनी तुरून्तै जान्छन् । 

सेवा नै धर्म मान्ने कार्कीले कोही पनि बिरामी अस्पतालसम्म जान र आउनबाट वञ्चित हुन नपरोस् भनेर संक्रमणको प्रवाह नगरी सेवामा लागेको बताउँछन् । उनले बिरामीलाई बुटवलसम्म ल्याउनेसम्म गरेका छन् । 

उनले २६ जना संक्रमितलाई आफ्नै गाडीमा निःशुल्क अस्पताल पुर्‍याउनेदेखि निको भएकाहरूलाई घर ल्याउने काम गरिसकेका छन् । 

‘आज समस्या अरूलाई परेको छ । भोलि आफैँलाई नहोला भन्न सकिन्न । बिरामीलाई गाडीमा हाल्न कोही पनि तयार नहुने ठाउँमा म तयार छु,’ कार्कीले भने । उनले पीपीई लगाएर बिरामी बोक्छन् । अहिलेसम्म उनी संक्रमणबाट जोगिएका छन् । 

****

रुपन्देहीको ओमसतिया गाउँपालिका–२ अञ्चलपुरका मंगल भण्डारीले छिमेकी बिरामी भएर एम्बुुलेन्स बोलाउँदा कोही आएनन् । घरका बुवाआमाले छिमेकीको घरमा जान रोक्न खोज्दा पनि मंगल रोकिएनन् ।

उनले आफ्नै गाडीमा बिरामीलाई राखेर अस्पताल पुुर्‍याए ।

बुवाआमालाई सम्झाएर उनले गत वर्ष पनि १५० बिरामीलाई आफ्नै गाडीमा अस्पताल पुुर्‍याएर सेवा गरे ।

आफ्नो निजी गाडीलाई एम्बुुलेन्स बनाएर बिरामीको सेवामा प्रयोग गरेका छन् । 

अहिले कोरोनाको दोस्रो लहर शुुरू भएपछि पनि दैनिक ५/७ जनालाई आफ्नै गाडीमा अस्पताल पुुर्‍याउँदै आएको छुु,’ मंगलले भने, ‘एम्बुुलेन्स नपाएका र आर्थिक अवस्था कमजोर भएकालाई गाडीमा अक्सिजन जडान गरेर अस्पताल पुुर्‍याउँछुु । सकेसम्म बेड पनि व्यवस्था गर्ने गरेको छुु । अप्ठ्यारो बेलामै हो नि मानिसलाई साथ सहयोग आवश्यक पर्ने ।’ 

उद्यमी मंगलले अहिले आफ्नो उद्योगमा रहेका ६० वटा अक्सिजन सिलिन्डर भीम अस्पताललाई सहयोग गरेका छन् । बिहान उठ्नेबित्तिकै संक्रमितको फोन आउँछ, जसले बोलाउँछ, त्यहाँ पुग्छन् । बिरामीको आत्मबल बढाउन ढाडस पनि दिन्छन् । 

‘मैले एक वर्षदेखि नै निःशुल्क कोभिड संक्रमितलाई अस्पताल लैजाने काम गरेको छु, पछिल्लो महामारी यता धेरैले एम्बुलेन्स नपाएर मलाई अस्पताल पुर्‍याइदिन पर्‍यो भनेर फोन गर्नुहुन्छ । अनि म संक्रमितलाई गाडीमा राखेर अस्पताल लैजान्छु ।’ तर, अहिलेसम्म उनी संंक्रमित भएका छैनन् । ‘सबैको साथ र सहयोगले नै महामारीलाई न्यूनीकरणमा सहयोग पुुग्ने हो,’ उनले भने । 

****

रुपन्देहीको भैरहवाका धर्मवीर शर्मालाई अहिले प्रत्येक दिन भ्याइनभ्याइ छ । शर्मा निमुखाको सेवाका लागि खाद्यान्न सहयोग अभियानमा जुटेका छन् । खाद्यान्न व्यापारी शर्माले अहिले कोरोना महामारीले दैनिक हात मुख जोर्न नपाएका परिवारलाई घरघरमै आफ्नै गाडीमा खाद्यान्न पुुर्‍याउँछन् । 

सिद्धार्थनगर–४ का शर्माले अहिले दैनिक २० जनाभन्दा बढीलाई खाद्यान्न घरघरमै लगिदिन्छन् ।  उनको खाद्यान्न प्याकेजमा १० केजी चामल, दुुई केजी दाल, ५ केजी आँटा, एक केजी मस्यौरा, १ लिटर तेल र २ केजी नुुन छ । 

सिद्धार्थनगर उद्योग वाणिज्य संघमा समेत आवद्ध शर्माले ‘परिवारको वस्तुुस्थिति बुुझेर मात्र खाद्यान्न सहयोग गर्दै आएको बताए । 

‘जागिरेलाई मैले दिन्न । दिनभरी मजदुुरी गरेर साँझ त्यही पैसाले हातमुुख जोह गर्ने परिवारलाई खाद्यान्न दिने गरेको छुु ,’ उनले भने । 

‘अभावको पीडा मलाई राम्रोसँग थाहा छ,’ शर्माले थपे, ‘अहिले मलाई दैनिक २० जनाभन्दा बढीले अफ्टयारोमा परेँ भनेर फोन गर्छन् । घरमै गाडीमा खाद्यान्न लगेर जान्छु । वास्तविक समस्या परेको हो कि होइन ? भनेर छिमेकीलाई पनि सोधपुुछ गर्छुु । अप्ठ्यारोमा परेकालाई खाद्यान्न दिएर आउँछु ।’ 

अझै स्वास्थ्य सावधानीका सामग्री, मास्क स्यानिटाइजर, ग्लोब्स समेत आवश्यकता अनुसार दिने गरेको उनले बताए ।

‘संकटमा कोही भोकभोकै मर्ने, कसैले सम्पत्ति जम्मा गर्ने यो नेपालीको बानी होइन,’ उनले भने ।

अप्ठ्यारोमा परेकाहरूलाई अहिले साथ र सहयोग आवश्यक छ । कोरोना भाइरस सुनामीको रूपमा बढेपछि अहिले अस्पतालहरूमा बिरामी राख्ने ठाउँ छैन । 
 

hAMROPATRO BELOW NEWS
TATA Below
मंसिर १४, २०८०

प्रगतिशील राजनीतिको 'फ्रन्टलाइन'मा देखिने नेताहरू जति कठोर हुन्छन्, त्यो भन्दा बढी ‘इमोसनल र सेन्टिमेन्टल’ पनि हुन्छन् । त्यस्तै ‘इमोसनल फिलिङ्स’का बाबजुद परिस्थितिले कठोर बन्दै गएक...

फागुन २६, २०८०

पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...

फागुन ५, २०८०

श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...

माघ १३, २०८०

रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...

माघ ५, २०८०

मनीषा जीसीको वास्तविक नाम विष्णु घर्ती क्षेत्री हो । गुल्मीको धुर्कोट गाउँपालिका– ३ हाडहाडेकी विष्णुलाई धेरैले मनीषा भनेर चिन्छन् । उनै मनीषा लोक सेवा आयोगले लिएका पाँचवटा परीक्षामा एकसाथ नाम निकालेर अह...

माघ २७, २०८०

भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x