आसन्न राष्ट्रिय सभाको बागमती प्रदेश सदस्यको निर्वाचनमा राष्ट्रिय प्रजातन्त्र पार्टी (राप्रपा) ले एमालेका उम्मेदवार रामबहादुर थापा ‘बादल’लाई जिताउन सूर्य चिह्नमा मतदान गर्ने निर्णय गरेको छ ।

आफ्ना उम्मेदवारलाई मतदान गर्न अनुरोधसहित एमालेले पत्राचार गरेपछि राप्रपाले सहयोग गर्ने निर्णय भएको राजाराम बर्ताैलाले जानकारी दिए ।

बादल नेकपा माओवादीबाट एमालेमा प्रवेश गरेका कारण कारवाहीमा परेर पद रिक्त भएको थियो । तर फेरि एमालेबाट बादल नै उम्मेदवार बनेका छन् ।

राप्रपाले निर्वाचनमा बादललाई मतदान गर्न राप्रपाका प्रदेश सभाका सदस्य, गाउँपालिकाका अध्यक्ष र उपाध्यक्षलाई निर्देशन दिएको छ ।