यस वर्ष आयोजना भइरहेको युरो कप २०२१ को शुरूआतसँगैै फूटबलका फ्यान र सर्वसाधारणमा  उत्साह थप्न लक्ष्मी बैंकले एफ–वान सफ्टसँग मिलेर ‘प्रिडिक्ट एण्ड विन’ क्याम्पेन ल्याएको छ । 

क्याम्पेन युरो कप २०२१ शुरू भएको दिन ११ जुनदेखि शुरू भई अन्तिम दिन ११ जुलाईसम्म जारी रहने छ । क्याम्पेनमा ५ जना भाग्यशाली विजेताले ५० एमबीपीएसको १ वर्ष अवधिको इन्टरनेट निःशुल्क पाउन सक्नेछन् ।

क्याम्पेनमा भाग लिन लक्ष्मी बैंकका ग्राहकले मोबाइल मनी सेवा सञ्चालन गरेको हुनुपर्ने र मोबाइल मनीका प्रयोगकर्ताले भने सजिलै एपद्वारा नगद ट्रान्सफर गरी सहभागी हुन सक्ने बैंकले जनाएको छ ।

मोबाइल मनीको ‘फोन–पे डाइरेक्ट’ वा इन्टर बैंक फन्ड ट्रान्सफर (आईबीएफटी) अर्थात् अन्तर बैंक नगद ट्रान्सफरबाट नगद ट्रान्सफर गर्दा प्रोमो कोड राख्ने ठाउँमा आफूले अनुमान गरेको युरो कप विजेता देशको नाम राख्नुपर्नेछ । यति गरेपछि नै क्याम्पेनमा सहभागी हुन सकिने जनाइएको छ ।

क्याम्पेनको अवधिपछि युरो कप विजेता देशको सही अनुमान गर्ने ग्राहकमध्येबाट लक्की ड्रमार्फत ५ जनालाई विजेता घोषणा गरिने बैंकले जनाएको छ ।

विजेता ग्राहकले १ वर्षको इन्टरनेट सब्स्क्रिप्सन निःशुल्क पाउनेछन् । जति धेरै पटक नगद ट्रान्सफर गर्‍यो, त्यति नै धेरै जित्ने मौका पाइने जनाइएको छ ।