पोर्चुगलका फूटबल खेलाडी क्रिस्टियानो रोनाल्डोले पत्रकार सम्मेलनमा कोकाकोला हैन, पानी पिऊ भनी भनेपछि कोकाकोला कम्पनीलाई ठूलो झड्का लागेको छ । 

कम्पनीको शेयर लगभग ४८ हजार करोड रुपैयाँ जति घाटा लागेको छ । 

रोनाल्डो आफ्नो अगाडि रहेका कोकाकोलाका दुई बोतल देखेर रिसाए अनि पानीको बोतल उचालेर पानी पिउनुस् भने । फिटनेसमा ध्यान दिने रोनाल्डो बेभरेज मन पराउँदैनन् ।

जम्मा २५ सेकेन्डको यो घटनापछि कोकाकोलाको शेयर धमाधम झर्न थाल्यो र लगभग ४ अर्ब डलरसम्म खस्यो । 

कोकाकोला युरोकपको आधिकारिक स्पोन्सर हो । त्यसैले आधिकारिक कार्यक्रममा कोकाकोला राखिन्छ । 

विवादपछि कोकाकोलाले बयान दिँदै पत्रकार सम्मेलनमा सबै किसिमको ड्रिंक दिइने अनि खेलाडीहरूले के लिने के नलिने उनीहरूकै छनोटको कुरा भएको बताए ।