भारतमा २४ घण्टामा ५८ हजार नयाँ संक्रमित थपिए, १५३७ को मृत्यु

भारतमा बितेको २४ घण्टामा ५८ हजार बढी नयाँ संक्रमित पुष्टि भएको छ । भारतीय स्वास्थ्य तथा परिवार कल्याण मन्त्रालयका अनुसार २४ घण्टाको अवधिमा थप ५८ हजार ५६२ जनामा कोरोनाभाइरस संक्रमण पुष्टि भएको हो । यस्तै ८७ हजार ४९३ जना संक्रमण मुक्त हुँदा सोही अवधिमा १५३७ जनाले ज्यान गुमाएका छन् ।

भारतमा बितेको ८१ दिनको अवधिमा सबैभन्दा कम संक्रमण पुष्टि भएको हो । यसअघि मार्च ३० मा भारतमा ५३ हजार २३७ जनामा मात्रै कोरोना संक्रमण पुष्टि भएको थियो ।
भारतमा हालसम्म २ करोड ९८ लाखमा कोरोना संक्रमण पुष्टि भइसकेको छ भने तीमध्ये २ करोड ८७ लाख निको भएका छन् । यस्तै ३ लाख ८६ हजार जनाको मृत्यु हुँदा देशभर अहिले ७ लाख २४ हजार उपचाररत छन् ।


Advertisement

 

एजेन्सी
एजेन्सी

लेखकबाट थप...

कमेन्ट गर्नुहोस्