सर्वाेच्च अदालतले अग्रपंक्तिमा खटिने पत्रकारलाई प्राथमिकता दिएर कोरोना भाइरस विरुद्धको खोप लगाउन अन्तरिम आदेश दिएको छ ।

न्यायाधीश डा. कुमार चुडालको एकल इजलासले आइतवार प्रधानमन्त्री तथा मन्त्रिपरिषद्को कार्यालयका नाममा अन्तरिम आदेश दिएको हो । 

अर्थसंसार डटकमका प्रधान सम्पादक अधिवक्ता लिलानाथ घिमिरेले दायर गरेको रिटमाथि सुनुवाइ गर्दै सर्वाेच्चले पहिलो खोप लगाएकालाई दोस्रो र पहिलो पनि नलगाएकालाई खोप लगाउने व्यवस्था मिलाउन आदेश दिएको छ ।

अदालतले सरकारका नाममा १५ दिने कारण देखाऊ आदेश समेत दिएको छ ।