काठमाडौंको दक्षिणकालीमा फेला परेको युवतीको शवको सनाखत भएको छ । 

मंगलवार दक्षिणकालीमा फेला परेको शव २५ वर्षीया सन्तोषी सुब्बाको शव भएको उनका मितबुवाले सनाखत गरेको महानगरीय प्रहरी परिसर काठमाडौंका प्रमुख वरिष्ठ प्रहरी उपरीक्षक (एसएसपी) अशोक सिंहले जानकारी दिए । 

दक्षिणकाली मन्दिरको शौचालयमा मुखका गह्रुंगो वस्तुले प्रहार गरेको अवस्थामा शव फेला परेको थियो । प्रारम्भिक अनुसन्धानमा हत्या गरेर फालेको निष्कर्ष प्रहरीले निकालेको छ ।

तालिम प्राप्त कुकुर परिचालन गरे पनि कुकुर शव वरिपरि मात्र घुमेको थियो । 

हत्यारा पत्ता लगाउन प्रहरी निरीक्षक राजन लामाको नेतृत्वमा परिसर काठमाडौंको विशेष टोली घटनास्थलमा खटिएको जनाएको छ ।

ती युवतीको वरिपरि परिचालित भएको मोबाइल लगायतका टेक्निकल अनुसन्धान गरिरहेको परिसरका प्रवक्ता एसपी रमेशकुमार बस्नेतले जानकारी दिए ।