सप्तरी प्रहरी र अदालतको टोलीले बैंकिङ कसूर मुद्दाका फरार अभियुक्तलाई बुधवार पक्राउ गरेको छ ।

७ लाख रुपैयाँ जरिवाना र १० दिन कैद हुने ठहरपश्चात फरार रहेका सप्तरीको शम्भुनाथ नगरपालिका–१२ अर्नाहा बस्ने युसुफलाई पक्राउ गरिएको सप्तरी प्रहरीले जनाएको छ ।

सोही ठाउँका हमिदको जाहेरीले आरोपितमाथिको बैंकिङ कसूर ठहर गर्दै उच्च अदालत जनकपुरले गत चैत १९ गते १० दिन कैद र ७ लाख रुपैयाँ जरिवाना हुने फैसला गरेको थियो ।

फैसला कार्यान्वयनको क्रममा जिल्ला प्रहरी कार्यालय सप्तरी र अदालतको डोर टोलीले गाउँघरमै लुकीछुपी बसिरहेको अवस्थामा फेला पारी पक्राउ गरेको जिल्ला प्रहरी कार्यालय सप्तरीका प्रहरी निरीक्षक उदयभान द्विवेदीले बताए । 

अदालतले अभियुक्तलाई कैद/जरिवाना भुक्तानका लागि बुधवारै राजविराज कारागार कार्यालय पठाएको अदालतका स्रेस्तेदार कुमार मास्केले बताए ।