नेपाल क्रिकेट संघ (क्यान) ले जुलाई २०२१ मा स्पेनमा हुने तय भएको आईसीसी सीडब्लुसी लिग–२ प्रतियोगिता स्थगित भएको जनाएको छ ।

क्यानका सचिव अशोकनाथ प्याकुर्‍यालले प्रेस विज्ञप्ति जारी गर्दै जुलाई २०२२ सम्म प्रतियोगिता स्थगित भएको जानकारी दिए ।

विज्ञप्तिमा उल्लेख छ, ‘आगामी जुलाई २०२१ मा स्पेनमा हुने तय भएको आईसीसी सीडब्लुसी लिग–२ अन्तर्गत नेपाल, नामिबिया र स्कटल्यान्डबीचको एकदिवसीय सिरिज कोभिड–१९ को प्रभावका कारण जुलाई २०२२ सम्मको लागि स्थगित भएको छ ।’